Este domingo, 30 de maio, ás 12:00 horas, coñecerase ao equipo que disputará o play off de ascenso da Primeira Nacional. A última fin de semana de competición da segunda fase será unha xornada unificada, na que o Victoria CF ou o Viajes Interrías teñen opcións de meterse na fase de promoción á Reto Iberdrola.
Só quedan tres puntos por disputar, e estes dous equipos galegos son os mellor posicionados para meterse no play off na xornada unificada. O Victoria CF lidera o grupo 1C con 48 puntos, pero o Viajes Interrías o segue de preto cun menos, 47.
A fase de ascenso desde Primeira Nacional a Reto Iberdrola competirase co mellor equipo de cada grupo e o segundo mellor de todos pero, tal e como informa a Real Federación Galega de Fútbol, este non será do grupo 1C polos coeficientes. Desta forma, só un club galego pode aspirar a estar a vindeira tempada na categoría de prata.
Nesta xornada unificada, o Victoria visitará ao colista, o CFE Racing Féminas, e depende só de si mesmo para lograr o obxectivo. Pola súa banda, o Viajes Interrías enfróntase ao Oviedo Moderno B.
O Dépor ABANCA B, penúltimo clasificado, non ten opcións de meterse no play off de promoción a Reto.
O resto de clubs galegos da Primeira Nacional
Entre o resto de clubs galegos da Primeira Nacional, o CD Valladares certificou xa o seu descenso, polo que a próxima campaña competirá na Primeira División da Liga Galega Feminina. O Atlético Arousana e o Umia CF seguen loitando pola permanencia, mentres que o Victoria FC, UD Mos e o Sardoma CF aseguraron a súa salvación.
