- A Pobra do Caramiñal encheuse de practicantes de campo a través con 1.200 persoas no transcurso do Campionato Xunta de Galicia de Atletismo.
O Concello de A Pobra do Caramiñal foi a sede dun extraordinario Campionato Xunta de Galicia de Atletismo.
Desta vez foi o Circuíto de Cabio da Pobra do Caramiñal o encargado de acoller aos máis de 1.200 atletas que se deron cita para tomar parte nas distintas carreiras de campo a través que se disputaron ao longo de todo o fermoso día.
A macro xornada daba comezo xa na mañá con saída para os máis pequenos do noso deporte quenes tomaban parte nun Memorial Alejandro Lorenzo que se achegaba xa á súa vixésima quinta edición, segundo informaba a Federación Galega de Atletismo.
Nunhas probas moi concorridas e con saídas por grupos, os gañadores na categoría Sub-10 foron Claudia Álvarez e Antón Fernández da Atlética Lucense, así como Lena Curras do Vila de Cangas e Pablo Barreiro do Pinarium na Sub-12. Por último resultarían vencedores da categoría Sub-14 Sabela Castelo do San Miguel de Marín e José Manuel Arufe do Atletismo Noia.
Por equipos o conxunto ourensá da La Purísima facíase co título na categoría Sub-10 feminina logrando o Atletismo Narón a masculina. O Vila de Cangas lograba os primeiros postos na categoría feminina Sub12 e masculina Sub-14, sendo no resto de categorías o triunfo para o Ría de Foz na Sub-12 masculina e a Atlética Lucense na Sub-14 feminina.
Unha vez rematado o Memorial Alejandro Lorenzo, dábase de seguido a saída na Pobra do Caramiñal aos atletas das categorías Sub-16 proba na que resultaron gañadores sobre unha distancia de 2.500 m. Amparo Corredoira da Atlética Lucense e Alex Sierpes do Trega. Remataba a xornada de mañá ca proba dos Sub-18 na que se coroaron campións galegos unha imparable Xela Martínez da Atlética Lucense e Sergio Quintáns do club La Purísima.
Así foi a competición máster na Pobra
Xa na tarde e continuando cun tempo propio do verán que houbo na Pobra, foron os atletas das categorías máster quenes competiron baixo unha distancia de 5.500 m. resultando gañadores por categorías:
- Máster35. Zelinda Spencer (Oviedo At.) e Nuno Ribero Pinto (SD Compostela)
- Máster40. Rocío Alvite (C.A. Sar) e Amador Pena (SD Compostela)
- Máster45. Rebeca Soto (A. Narón) e Alejandro Pesado (C.A. Sar)
- Máster50. Julia Vaquero (SD Compostela) e Daniel de la Torre (SM Marín)
- Máster55. Paz Peña (Entrenarruning) e José Suárez (C.A. Sar)
- Máster60. Carmen Novo (LUCUS CR) e Manuel Suárez (Vet. Samil)
- Máster65. Begoña de Arriba (Egovarros) e José Jardón (Vete.Samil)
- Máster70. Xosé Lois Otero (SD Compostela)
- Máster75. Manuel Millara (Comesaña SC)
Por equipos en categoría femininos resultaron gañadores nas distintas categorías os conxuntos do Atletismo Sar e o Atletismo Narón sendo na masculina o triunfo no colectivo para SD Compostela, ADAS CUPA e Veretanos de Samil.
