“O noso xogo; a nosa bóla”. O fútbol galego entra noutra dimensión. A Real Federación Galega de Fútbol (RFGF) vén de desvelar o novo balón oficial de xogo para a próxima tempada.
Da man da multinacional Adidas, o patrocinador técnico da Real Federación Galega de Fútbol, e de Fútbol Emotion, a RFGF dá outro paso máis no seu camiño cara á excelencia e contará por primeira vez na historia cun deseño exclusivo e personalizado na ferramenta principal do xogo, que non é outra que o balón de fútbol. Grazas a Adidas e a Fútbol Emotion o novo esférico do noso fútbol levará na súa pel o escudo da Real Federación Galega de Fútbol nunha campaña que desde a federación cualifican como “sen precedentes”.
O modelo de balón segue sendo o modelo Tiro League, deseñado para adestramentos esixentes e partidos. A súa superficie laminada de TPU con acabado texturizado ofrece gran resistencia e un voo estable, ideal para pases precisos e disparos seguros.
O balón contra coa certificación de calidade FIFA que garante a súa fiabilidade en aspectos como circunferencia, peso, rebote e absorción de agua.
Detalles da nosa bóla
- 100% TPU
- Certificado FIFA
- Superficie texturizada
- Color do produto: White / Team Navy Blue 2 / team colleg red/bright cyan
- Número: KY3263
Así, como por encantamento
Desde a RFGF quixerons desvelar este mércores 1 de xullo, data na que xa se pon á venda, a nosa bóla para a próxima campaña. E fixérono “así, como por encantamento, unindo nunha peza audiovisual humor e ilusionismo e botando man do talento da cultura e arte da nosa terra”.
O actor e humorista Xosé Antonio Touriñán e o ilusionista Román García, que conta na súa traxectoria con numerosos recoñecementos, citáronse no Teatro Principal de Santiago de Compostela para dar vida a unha nova era, a que nace con este novo balón exclusivo do fútbol galego.
Desde a Real Federación Galega de Fútbol (RFGF) tamén agradecen “publicamente ao Concello de Santiago, e en especial á concellaría de Cultura, pola súa colaboración para a gravación deste anuncio publicitario”.
Xa á venda o balón da RFGF
A nosa bóla xa se atopa á venda. Na seguinte ligazón tes toda a información para poder facer a compra: NOVO BALÓN OFICIAL
