O vindeiro domingo 14 de febreiro en Sevilla vai ter lugar a disputa do XXXI Campionato de Federacións Autonómicas Sub20 e Sub16 de marcha en ruta á que a Selección Galega acudirá a tomar parte con catro equipos, dous femininos e dous masculinos. A Dirección Técnica da Federación, a proposta do Responsable do Sector, deu a coñecer a relación das oito marchadoras e oito marchadores que defenderán a camisola autonómica.
Por equipos a selección femenina Sub16 está chamada a ocupar un dos primeiros postos do podio grazas ao excelente equipo formado por Aldara Meilán, Natalia Rivas, Oleksandra Kostenko e María Martín. O equipo que xa fora subcampión de España o ano pasado, conta de igual modo con moitas posibilidades de medalla a nivel individual.
O restro de equipos galegos acudirán co obxectivo de facer valer o seu equilibrio e compensación na procura de postos de finalistas, contando para elo tanto Pablo Sánchez da Atlética Lucense na Sub16 como Alba Pérez do Atletismo Negreira na Sub18 entre outras e outros.
Tal e como apuntan desde a Federación Galega de Atletismo, entre as seleccionadas e seleccionados debutan os Sub16 Oleksandra Kostenko e Andrés González, sendo na Sub20 a estrea para Rita Vázquez e Carlos Bautista.
Hornillos salienta o “esforzo” da FGA para que a Galicia esté en Sevilla
Sobre esta primeira cita da tempada da nosa selección, o presidente da FGA Isidoro Hornillos valoraba a importancia dos desprazamentos do combinado autonómico “Dende a Federación estamos a facer un esforzo por acudir ca Selección Galega a todas cantos campionatos poidamos estar” apuntando ademáis que “somos conscientes da gran importancia e valor que entraña para os nosos atletas o poder competir ao máximo nivel defendendo a súa selección tendo en conta as circunstancias tan excepcionais pola que estamos a atravesar”.
ATLETISMO – SELECCIÓN GALEGA DE MARCHA EN RUTA
XXXI CAMPIONATO DE ESPAÑA DE FEDERACIÓNS AUTONÓMICAS SUB 20 Y SUB 16
A proposta do Responsable e do Director Técnico da Federación Galega de Atletismo acordouse formar cos seguintes integrantes a Selección Galega que acudirá ó XXXI Campionato de Federacións Autonómicas Sub 20 e Sub 16 da modalidade atlética de marcha en ruta. A competición está fixada para se celebrar o vindeiro domingo 14 de febreiro na cidade andaluza de Sevilla. En concreto, será o Parque do Alamillo o escenario que acolla a competición en ruta.
CATEGORÍA SUB 16 FEMININA 5 KM RÉCORD 30:00
- Aldara Meilán García (Escuela Atlética Lucense)
- Natalia Rivas Iglesias (Club Atletismo Cuntis)
- Oleksandra Kostenko (Escuela Atlética Lucense)
- María Martín Rodríguez (ADAS Proinor O Barco)
CATEGORÍA SUB 16 MASCULINA 5 KM RÉCORD 29:00
- Pablo Sánchez Rivas (Escuela Atlética Lucense)
- Andrés González Pérez (R.C. Celta)
- Elías Klein Otero (Escuela Atlética Lucense)
CATEGORÍA SUB 20 FEMININA 10 KM RÉCORD 1h01.00
- Alba Pérez Nieto (Club Atletismo Negreira)
- Salomé Segade Buide (Club Atletismo Millaraio)
- Rita Vázquez González (Club Ourense Atletismo)
- Sofía Campos Ares (Club Atletismo Santiago)
CATEGORÍA SUB 20 MASCULINA 10 KM RÉCORD 54:00
- Hugo Martínez Casanova (Lucus Caixa Rural Galega)
- Roi Surribas Porto (Sociedad Gimnástica de Pontevedra)
- Ismael Díaz Sánchez (Club Atletismo Sada)
- Brais Suárez Tesouro (Rungalicia – Intersport)
- Carlos Bautista Bugarín (Atletismo Porriño)
RESPONSABLES E ADESTRADORES:
- Carlos Morales Velasco (Responsable da expedición)
- María del Carmen Jueguen Lago (Responsable Servizos Sanitarios)
Ao fronte da expedición da Selección Galega de marcha acudirá o Responsable do Sector de Marcha Carlos Morales quen irá acompañado por Maika Jueguen en calidade de Responsable dos Servizos Médicos. A saída da expedición de atletas galegos será en avión o vindeiro sábado día 13 de febreiro desde o aeroporto de Alvedro na Coruña. O regreso está marcada para o propio domingo 14.
