A andaina solidaria da AECC volveu a tinguir de verde as rúas coruñesas. Na súa X Andaina Solidaria A Coruña en marcha contra o cancro contou coa participación de 2.400 persoas, que vestiron a camiseta verde en apoio á investigación oncolóxica e simbolizando a loita contra a enfermidade.
Neste décimo aniversario, “os coruñeses e coruñesas volveron a demostrar, unha vez máis, a súa solidariedade nun día no que familias enteiras, con amigos e veciños, camiñamos xuntos, unidos, porque o cancro é cousa de todos”, afirmou Manuel Aguilar, presidente da Xunta Provincial da Asociación Española Contra o Cancro na Coruña.
O Obelisco converteuse no punto de encontro para as 2.400 persoas participantes que acudiron á cita solidaria. Durante o evento, repleto de actividades lúdicas e deportivas, gozouse de sesións de zumba, salsation e sh’ bam por Forus A Coruña, DOS Deportes e Termaria. A música tamén foi protagonista grazas ao ritmo das batucadas de Malandros, Kilomberos, a sesión de Más Music e as gaitas de Maruxía, que puxeron a banda sonora e animaron aos camiñantes en cada fase do circuíto.
Tras realizar o percorrido de 5 quilómetros, os participantes cruzaron a meta en momentos cargados de emoción, por haber dedicando os seus pasos solidarios a familiares, amigos e aos miles de pacientes e familias que afrontan a enfermidade.
Os pequenos da casa tiveron unha zona de xogos especialmente habilitada para actividades cooperativas, carreiras de sacos, substitucións, pintacaras e xogos de paracaídas, nunha mañá de solidariedade e diversión.
Apoio a investigación, por un futuro sen cancro
O cancro é o problema sanitario máis importante do mundo e de España. No mundo, 1 de cada 2 homes e 1 de cada 3 mulleres terá cancro ao longo da súa vida. En Galicia diagnostícanse 20.000 novos casos de cancro ao ano, o que a converte nunha das comunidades autónomas con mayora taxa de incidencia da enfermidade.
Actualmente, grazas á investigación, a taxa de supervivencia en homes é do 55,3% e en mulleres do 61,7%. É por iso que é necesario seguir impulsando a investigación oncolóxica para alcanzar o obxectivo do 70% de supervivencia á enfermidade en 2030 e que o seu investimento se traduza en dar resposta ás necesidades das persoas enfermas.
Grazas ao apoio da sociedade e a iniciativas solidarias como esta andaina, a Asociación Española Contra o Cancro leva máis 50 anos impulsando a investigación en cancro, sendo a entidade social e privada que máis fondos destina a investigar o cancro e máis investigadores apoia. En concreto en Galicia, as axudas activas a investigación oncolóxica ascenden a máis de 3,3 millóns de euros distribuídos nun total de 26 proxectos, dos que 21 desenvólvense na provincia coruñesa.
Xuntos contra o cancro
Esta iniciativa é posible grazas ao apoio do Concello da Coruña, Vegalsa, Fundación San Rafael, Mastil Rotulación, Andrones, Innovisual, HM Hospitales, Solán de Cabras, El Corte Inglés, Basquet Coruña, Grupo Arc Eurobanan, RC Deportivo, CEGA Audiovisuais, Nosolomadera, AparcaT Palexco, Sanbrandán, DOS Deportes, Asociación Provincial de Empresarios de Hostalaría da Coruña, Kilomberos, Lexión 501, Porto da Coruña, Moteiros Solidarios, Hockey Club Liceo, Coruña Sport Center, Club del Mar de San Amaro, Protección Civil da Coruña, Deporte Gestión, Xeograf, Forus, Termaria, Pixeling, Bikram Ioga, Radio Voz, La Voz de Galicia, La Opinión A Coruña, Tranvias da Coruña, Radio Marca, Cruz Vermella, Banda de Gaitas Maruxia, Más Music, El Ideal Gallego, Miraveo, Gadis, Radio Intercoruña e Malandros.
Sobre a AECC
A Asociación Española Contra o Cancro é a entidade de referencia na loita contra o cancro desde hai 70 anos. Dedica os seus esforzos a mostrar a realidade do cancro en España, detectar áreas de mellora e pór en marcha un proceso de transformación social que permita corrixilas para obter unha abordaxe do cancro integral e multidisciplinar.
No seu ADN está estar á beira das persoas polo que o seu traballo tamén se orienta a axudalas a previr o cancro; estar con elas e as súas familias durante todo o proceso de a enfermidade, se llo diagnostican; e mellorar o seu futuro co impulso á investigación oncolóxica.
Neste sentido, a través da súa Fundación Científica, a Asociación aglutina a demanda social de investigación contra o cancro, financiando por concurso público programas de investigación científica oncolóxica de calidade. Hoxe en día, é a entidade social e privada que máis fondos destina a investigar o cancro: 104 millóns de euros en 565 proxectos, nos que participan máis de 1.000 investigadores.
A Asociación integra a pacientes, familiares, persoas voluntarias e profesionais que traballan unidos para previr, sensibilizar, acompañar ás persoas afectadas e financiar proxectos de investigación oncolóxica que permitirán un mellor diagnóstico e tratamento do cancro. Estruturada en 52 Sedes Provinciais, e presente en máis de 2.000 localidades españolas, conta con máis de 30.000 persoas voluntarias, máis de 500.000 socios e case 1.000 profesionais.
Durante o 2022, a Asociación Española Contra o Cancro atendeu a 140.595 persoas afectadas pola enfermidade.
