A lucense, Nuria Bouza, que milita no Club Voleibol Ourense alzouse co primeiro torneo virtual de volei praia organizado polo Madison Beach Volley Tour que deu acollida ás mellores parellas desta disciplina tanto en categoría feminina como masculina.
A parella formada por Nuria Bouza e Erika Kliokmanaite proclamouse campioa da primeira edición da #CopaStoriesMBVT tras vencer na súa final grazas ás votacións dos usuarios e seguidores nas stories de Instagram de @madisonbeachvolleytour. No caso da categoría masculina, Adrián Gavira e Pablo Herrera foron os vencedores.
A galega é unha das grandes referencias do vóley-praia español e unha xogadora profesional que viviu os seus inicios no voleibol co Emevé e competiu en varios equipos antes de apostar definitivamente polo vóley-praia. Actualmente, xoga no Club Voleibol Ourense que mandoulle forza a súa xogadora a través das redes desta maneira:
É o momento de apoiar á nosa xogadora Nuria Bouza , que se clasificou para a gran final da #CopaStoriesMBVT xunto á súa compañeira Erika Kliokmanait.
IMOS TODOS A APOIAR A NURIA BOUZA. Só tes que entrar no Instagram @madisonbeachvolleytour ,e pica no seu nome. Desde as 21 horas de hoxe.Imos conseguir que gañe a final.
Es el momento de apoyar a Nuestra jugadora Nuria Bouza , que se ha clasificado para la gran final de la…
Publicada por Club Voleibol Ourense en Domingo, 5 de abril de 2020
O confinamento obrigatorio e o mal tempo non foron escusa para gozar do primeiro torneo virtual de volei praia, o #CopaStoriesMBVT, que comezou pasado xoves, organizada polo Madison Beach Volley Tour,e onde as oito mellores parellas femininas e masculinas do circuíto tentaron gañar esta particular competición, por medio dos votos dos seus seguidores nas redes sociais, neste caso a través de Instagram.
Desquite da final da Copa da Raíña 2019
A lucense Nuria Bouza e Erika Kliokmanaite tomáronse o desquite da final da Copa da Raíña 2019 e venceron a Tania Moreno e Daniela Álvarez facéndose co 56% dos votos e un marcador final de 1.696-1.344. Deste xeito, case un ano máis tarde lograron levantar o trofeo que non puideron na praia do Inglés de Maspalomas.
O #CopaStoriesMBVT, primeiro torneo virtual do Madison Beach Volley Tour, reuniu durante cinco días ás oito mellores parellas masculinas e femininas do circuíto e que captou a atención de toda a comunidade do volei chegando a acumular un total de 20.846 votos entre todos os partidos desde os cuartos de final.
Durante este días de torneo, puidemos volver a vivir as mellores sensacións que nos deixa cada verán o Madison Beach Volley Tour aínda que fose na modalidade online. Ainda que de seguro que moi pronto podemos volver a gozar dos mellores torneos nas praias españolas.
Sistema de puntuación do torneo
Cada partido foi unha enquisa nas Stories da conta de Instagram da #CopaStoriesMBVT e a parella que acumulaba máis votos ao cabo de 24 horas era a gañadora e pasaba a seguinte rolda.
O cadro feminino e masculino comezarou nos cuartos de final e disputáronse entre o pasado xoves e venres, mentres que as semifinais comezaron o sábado, e a final o domingo, para coñecerse o pasado luns aos gañadores.
Para iso, contouse coas mellores parellas españolas, Nuria Bouza e Erika Kloikmanaite; Liliana Fernández e Elsa Baquerizo; Paula Soria e Belén Carro; Amaranta Fernández e Ángela Lobato; Tania Moreno e Daniela Álvarez; Nazaret Florián e Mariña Saucedo; Cati Pol e Aina Munar e Claudia Maestri e Claudia Santisteban.
No cadro masculino estiveron presentes Adrián Gavira e Pablo Herrera; César Menéndez e Alejandro Huerta; Javier e Vicente Monfort; Inocencio Lario e Christian García; Daniel Moreno e Óscar Jiménez; Timo Platre e Nicolás Zanotta; Manu de Amo e Nacho Batallán e Nathan Matogueiras e Roberto Sanfélix.
A competición tivo un reflexo en todas as redes sociais de Madison Beach Volley Tour, tanto en Instagram como en Twitter, Facebook e a web, con contidos durante todo o día que simularon un torneo real do circuíto nacional de volei plaia.
