A Primera Nacional está xa no seu tramo final, e a competición no grupo 1 segue moi rifada. O PM Friol lidera a clasificación con 41 puntos, seguido moi de preto polo Viajes Interrías, son 40. En terceira posición segue o Sárdoma CF, que suma 36.
Só tres por detrás, está o filial do Dépor ABANCA, mentres que o Umia CF vai sexto con 32 puntos. O Victoria CF é sétimo con 28 puntos, mentres que o UD Mos é 12º con 18. Nos postos de descenso están o Victoria FC e o SD Villestro, con 12 e 0 puntos respectivamente.
O PM Friol suma un solitario punto que asegura o liderado da Primera Nacional
O PM Friol tiña por diante unha gran oportunidade de afianzar a súa posición de líder e dar un paso máis cara o seu regreso á Reto Iberdrola. As lucenses xogaban en casa e o facían ante un Versalles que se sitúa na zona media da táboa.
Con todo, as galegas sufriron para puntuar. No primeiro minuto de partido, un erro das locais fixo que Ana Gloria Campoamor fixera o 0-1, obrigando ás de Covi Regueiro a remontar o partido.
Co paso dos minutos, as lucenses estabilizáronse no seu campo, e o nivel dos dous equipos equilibrouse, mentres que a sequía no apartado goleador facíase patente en ambos bandos.
Na segunda metade, o Versalles mantiña a súa superioridade no marcador, pero o Friol seguía apretando para rascar puntos. Non o lograría ata case finalizado o encontro, cando un gol de Blanca Cros puxo as táboas no electrónico. Sen tempo para máis, o duelo rematou no 1-1, dándolle ás galegas un punto que as afianza na primeira posición da Primera Nacional.
Derrota do Interrías ante o Gijón FF
En Asturias, as galegas do Viajes Interrías viaxaban para enfrontarse ao Gijón FF, un equipo a priori inferior, que sumaba 17 puntos menos que as visitantes antes da 20ª xornada.
O partido comezou con igualdade no céspede asturiano, e con oportunidades para ambos bandos, sen un dominio claro de ningún dos equipos no terreo de xogo.
Co paso dos minutos, as xogadoras adestadas por Luis Treviño sentían a presión de ter que puntuar para recuperar o liderado roubado polo Friol e volver á primeira posición que durante tanto tempo ocuparon.
Con todo, as locais foron mellores, e pasado o ecuador da primeira parte, as galegas cometeron unha falta que o equipo arbitral pitaría como penalti. Libertad Hernández non desbotou a súa oportunidade e fixo o 1-0.
Despois do descanso, o gol seguía sen chegar para o Interrías, e a tensión era palable entre o plantel galego. A falta de vinte minutos, o 1-0 seguía no marcador, e desde o banco as protestas fixeron que o árbitro tivera que intervir en varias ocasións.
Finalmente, o pitido final chegaría sen que houbera cambios no luminoso, e deixando ao Interrías necesitado de puntos para asegurar o seu posto no ascenso de categoría.
Empate sen goles entre Sárdoma e Dépor ABANCA B
A 20ª xornada da Primera Nacional trouxo un duelo entre o Sárdoma CF e o Dépor ABANCA B, que remataría sen goles e cun reparto de puntos. Entre as visitantes, este foi un encontro especial para Paula Monteagudo, que se enfrontaba ao seu exequipo na súa casa.
O duelo foi un equilibrio de forzas, entre dous equipos que están cada vez máis preto na táboa. Ningún dos dous conxuntos gozou de ocasións claras de gol, e as defensas brillaron por riba dos ataques.
Despois deste enfrontamento, só tres puntos separan a estes dous equipos, coas deportivistas unha posición por debaixo, marchando como cuartas.
Táboas no duelo entre o Victoria FC e o Umia CF
Outro empate na xornada tivo lugar en Santiago de Compostela, no partido que enfrontou ao Victoria FC co Umia CF. As locais precisaban puntuar para deixar atrás as posicións de descenso, pero co punto do empate as súas posibilidades de salvación seguen a ser complicadas.
Desde o comezo do encontro, as xogadoras compostelás sairon con forza ao verde de Santa Isabel, destacando especialmente Ánxela e Noelia. As vermellas tiveron algunha oportunidade de anotar, pero a defensa do Umia botou por terra as súas opcións.
Con todo, a defensa visitante non aguantou as ofensivas locais, e xusto antes do descanso, Lau marcaba a pase de Noelia para anotar o 1-0.
Despois do paso por vestiarios, o Umia volveu disposto a rascar puntos, pero as vermellas se sabían superiores co marcador do seu lado. Tras varios intentos, o segundo gol das compostelás chegaría no minuto 60, obra de novo, de Lau.
Con todo, isto foi o desencadenante que o club rival precisaba para reaccionar. En cuestión dun par de minutos, Minerva Riveira abría a lata para o Umia, poñendo o 2-1.
Con tempo para a remontada, as visitantes seguiron confiando, e seis minutos despois asinarían o empate, desta vez da bota doutra Minerva, Bóveda.
O electrónico xa non cambiaría no tempo restante, deixando un 2-2 que repartiu un punto a cada equipo e pon as cousas difíciles ás compostelás.
O UD Mos vence ante ao SD Villestro
O colista do grupo 1 da Primera Nacional sufriu unha nova derrota na fin de semana, caendo por un 2-0 ante a UD Mos. Desde o comezo do partido, o conxunto local dominou o ritmo e o balón, impedindo que un Villestro castigado polas escasas rotación puidera reaccionar.
O primeiro gol chegaría cando estaba a piques de cumprirse a primeira media hora de partido, cun tanto de Lucía Bouzon. O segundo non subiría ao marcador ata a segunda parte, cando no 72 Rebeca Campos anotaba para o Mos.
Un triunfo obrigatorio para as locais, que suman tres puntos para alonxarse do descenso, do que marca a fronteira a 6 puntos do Victoria FC. Con este resultado, o descenso do Villestro xa é matemático.
