O seleccionador da Roja feminina, Jorge Vilda, fixo pública a súa lista de futbolistas convocadas para o partido contra a República Checa. Teresa Abelleira é a única galega que recibe a súa chamada. A deportivista Peke non se mantén entre as 23 deportistas que cita o técnico.
Mantense tamén na convocatoria a ex do Dépor ABANCA, Misa. Como no caso de Teresa Abelleira, a cancerbeira canaria milita agora no Real Madrid. A branquiazul Peke, que recibira a chamada do preparador na última convocatoria, non é agora da partida.
Ainize Barea, Peke, que estivo convocada para o partido contra Moldavia, non ten continuidade no combinado español.
O compromiso deportivo para o que foron citadas é un partido clasificatorio para a Eurocopa Inglaterra 2022. O encontro vaise disputar o venres 23 de outubro ás 21:00 horas no estadio de La Cartuja de Sevilla. As futbolistas deberán concentrarse en Madrid o vindeiro luns 19 de outubro, logo da disputa dunha nova xornada na Primeira Ibedrola esta fin de semana. O desprazamento a Sevilla será o 22 e o final da convocatoria o 24.
Sobre o compromiso coa República Checa, Vilda apuntou en rolda de prensa que a selección que gane este cruce “terá o camiño achaiado cara á Eurocopa“
Esta é a lista de Jorge Vilda para a Selección Española de Fútbol Feminino:
| Posición | Jugador |
|---|---|
| GUARDAMETAS | Lola Gallardo Sun Quiñones Misa Rodríguez |
| DEFENSAS | Ainhoa Vicente Moraza María de Alharilla Casado Irene Paredes Andrea Pereira María León Ivana Andrés Marta Corredera Eunate Arraiza |
| CENTROCAMPISTAS | Patri Guijarro Irene Guerrero Alexia Putellas Teresa Abelleira Aitana Bonmatí Amanda Sampedro |
| DELANTERAS | Marta Cardona Eva Navarro Lucía García Jenni Hermoso Mariona Caldentey Nerea Eizagirre |
