A Liga Iberdrola xa ten folla de ruta para a próxima edición da máxima competición feminina de voleibol. O calendario coñeceuse onde mércores tralo sorteo realizado na sé da Real Federación Española de Voleibol, que definiu a orde dos encontros que formarán as 22 xornadas de liga regular, nunha campaña que promete máxima emoción e intensidade.
A Liga Iberdrola comezará o próximo 3 de outubro nun fin de semana con seis encontros onde os dous integrantes da competición disputarán o seu primeiro partido na máxima categoría. Avarca de Menorca abrirá a competición ante o debutante CV Sayre en terras menorquinas, mentres IBSA CV CCO 7 Palmas recibirá a visita de DSV CV Sant Cugat. Algar Surmenor e CV Kiele iniciarán a súa segunda tempada na Liga Iberdrola recibindo a Madrid Chamberí e Haro Rioja Vóley respectivamente. Feel Voley Alcobendas comezará o ano coa visita de Cajasol Vóley Dos Hermanas, mentres que recente ascendido Arenal Emevé regresará á máxima categoría recibindo en Lugo a Sanaya Libby´s A Lagoa.
A última xornada da primeira volta da liga regular disputarase o 5 de decembro, mentres que a fase regular da competición concluirá o día 20 de marzo de 2021, dando paso a partir da semana seguinte aos playoffs onde participarán os seis mellores conxuntos da liga regular. A Copa de SM A Raíña está prevista para os días 26 e 28 de febreiro, coa sé aínda por determinar.
