Unha das fichaxes estrela do Durán Maquinaria Ensino deberá agardar para debutar coa camiseta lucense. Tamara Abalde, internacional coa Selección Española, está a recuperarse dunha lesión de ombreiro que a mantén alonxada das pistas da LF Endesa e da EuroCup, competición para cal o equipo clasificouse a pasada semana.
A xogadora non poderá regresar á cancha ata o 2022, xa que sufre dunha lesión de ombreiro que obriga a varios meses de recuperación. En declaracións á TVG, o presidente do club, Manuel Durán, asegurou que “non imos deixar a ningunha xogadora tirada por unha lesión”.
Malia que Abalde non estará presente nas próximas citas do Ensino, o mandatario asegurou que “hai un traballo que non se ve por detrás. Non só é xogar, é o saber estar e ter a experiencia que ten. Ten todo o respaldo do club para que se mellore”.
🏀👩⚕️ Falamos co presidente do @EnsinoLugoCB, Manuel Durán, sobre a lesión de @tamaraabalde6 ‼️
🎙️”Non imos deixar ningunha xogadora tirada por unha lesión”
🎙️”Non só é xogar, é a súa experiencia. Esperaremos a que se recupere” pic.twitter.com/o8aZovOsTV
— En Xogo tvG2 (@EnXogo_tvG2) October 4, 2021
