A Irmandiña Sub-15 asinaba na segunda xornada da fase de grupos do Campionato de España de Seleccións Autonomicas, a súa clasificación matemática para as semifinais da fase final deste CESA. Fixoo logo de golear á selección do País Vasco (0-3) nun partidazo das nosas. Un golazo de Luci, outro de Abril de penalti e unha xenialidade de Luíta deron ou pasaporte á Selección Galega a falta dunha xornada para que remate a fase de grupos.
A primeira clara das nosas chegou no minuto 4 cun cabezazo de Abril, tras un envío en longo, que se marchou fóra por moi pouco. Foi o primeiro aviso e o preludio do tanto galego. No minuto 10, Luci sacouse da chistera unha xenialidade para poñer por diante ás futbolistas que prepara Vicky Vázquez. A xogadora galega recolleu a pelota dentro da área, recortou e definiu con mestría para desatar a tolemia no bando galego.
O tanto espertou ao conxunto vasco, que se foi arriba en busca do empate e dispuxo de dúas ocasións para igualar a contenda, aínda que a falta de puntería permitiu que as nosas se marchasen ao descanso con vantaxe no marcador.
Tras o paso polos vestiarios, e co mercurio apertando en Cartagena, Galicia meteu unha marcha máis para encarrillar a clasificación matemática para as semifinais da fase final do Campionato de España, segundo informa a RFGF.
Nas filas irmandiñas, Abril Pazos puxo o 0-2 no electrónico no minuto 43 ao transformar unha pena máxima e no minuto 50 apareceu Luíta para marcar o gol do campionato. A xogadora galega controlou en banda zurda e mandou a pelota á escuadra para desatar o delirio na formación galega. O gol é unha barbaridade.
Co 0-3 e o billete para as semifinais xa na man, Vicky Vázquez optou por refrescar ao seu equipo e repartiu minutos entre todas as xogadoras.
A Selección de Galicia xa está clasificada para as semifinais do martes a falta dunha xornada para que conclúa a fase de grupos. Este domingo, a Irmandiña Sub-15 pechará a fase de grupos ante Cataluña co liderado do grupo en xogo.
FICHA TÉCNICA:
0) PAÍS VASCO: Ziara; Maren, Ane Baigorri, Ane Bordagaray Garaze, Ilazki, Elene, Nahia, Arixen, Enara e Ane. Tamén xogaron Patricia, Aiara, Gertrudis e Lorea.
3) GALICIA: Antía; Sara Cuiñas, Elena, Noa, Sara Couso, Abril, Luci, Nara, Laurita, Luita e Ana Capelo. Tamén xogaron Minerva, Sara Cercido, Laura Santos, Maca e Nati.
GOLES: 0-1 Luci (min. 10). Cartón amarelo para Laurita. 0-2 Abril, de penalti (min. 43). 0-3 Luíta (min. 50)
EQUIPO ARBITRAL: Arturo Paterna. Cartón amarelo para Laurita.
INCIDENCIAS: Segunda xornada da fase final do Campionato de España de Seleccións Autonómicas disputado en San Juan Bosco Los Dolores (Cartagena).
