O cuarto capítulo das I Xornadas A terra, o balón mais elas fará un repaso polos tres momentos históricos do fútbol feminino galego nos que Carlos Castro, xornalista especializado na materia, considera trascendentais para a normalización desta disciplina no contexto dunha competición organizada. As charlas seguen en marcha coa colaboración do Concello de Abegondo.
Castro divide as orixes en tres actos:
- A protohistoria, con protagonistas como Irene ou equipos formados en distintos lugares da nosa comunidade nos pasados anos sesenta e setenta; o nacemento en Vigo da primeira competición provincial ordenada (“Ondas do mar de Vigo”).
- A oficialización do fútbol en España e a importancia do Karbo e a selección galega (“Desde unha escola”).
- A creación da Liga do Condado, unida aos movementos existentes en comarcas como o Salnés e o Barbanza (“A forza do rural”),
Son eses tres instantes relevantes, segundo o estudo de Castro sobre o fútbol feminino galego, para estruturar unha charla inédita, en canto ao historicismo, que alicerzan o título da súa charla. Como introdución proxectarase o audiovisual de Óscar Losada, “Irene, a porteira”.
Terá lugar este venres, 18 de xuño, a partir das 20 horas, no Centro Cultural O Salón, en San Tirso de Mabegondo, e está organizado polo Veteranos de Crendes e o CD Mabegondo.
Para inscribirse é preciso facelo nesta ligazón.
Na anterior xornada, a porteira do Dépor ABANCA, Esther Sullastres visitou xunto á xornalista Sara Gallego ao alumnado de Abegondo e resolveu as súas dúbidas sobre o fútbol feminino galego.
Esther Sullastres responde ás preguntas dos escolares de Abegondo
