As herculinas Irene Blanco (Sub17) e Ruth Fuentefría (Sub15), regresan do Europeo cun total de catro medallas, tres delas de prata e una de bronce. As halteras do Club Halterofilia Coruña volven colleitar éxitos e metais nunha competición internacional. O Campionato de Europa Sub15 e Sub17 contou con representación galega da man destas deportistas.
Ruth colleitaba un bronce na categoría 40 kg Group A and 49 kg Group B. A Fuentefría tocoulle competir primeiro en Eilat (Israel).
A quenda da gran promesa da halterofilia galega, Irene Blanco, chegaba onte e tampouco defraudaba. En total, a coruñesa acadou neste Europeo Sub17 as tres medallas de prata que se concedían no seu peso, +81 quilogramos. Asinou 96 kg en arrincada e 115 en dous tempos, mentre que no total olímpico conquería 211.
Con estas marcas, Irene Blanco realizaba unha excelente competición. Todos os seus seis movementos foron válidos. E estableceu un total de catro récords de España ademais de sumar as tres medallas de prata antes mencionadas. Ela e a armenia Liana Gurian empezaron a competición cando o resto de rivais xa tiñan finalizado as súas quendas. E, finalmente, a haltera de Armenia foi quen de superar á galega. Certo é que, na modalidade de arrincada so o fixo por 1kg.
Consulta aquí os resultados de Ruth Fuentefría no Europeo de Israel sub 15
Mira nesta ligazón os resultados competitivos de Irene Blanco Tarela no Europeo de Israel sub 17
A participación das halteras coruñesas neste Campionato de Europa pódese cualificar de exitosa.
