Logo dun ano de parón por mor da COVID-19, co CBS Cambre volvía á competición na Liga Nacional División de Honor de Sóftbol que este ano denomínase SSL Spanish Softball League. Non tiñan diante un rival sinxelo xa que o Sant Boi é un dos cocos da competición. O resultado foi que, nesta primeira xornada dobre de debut, as galegas caeron derrotadas por 8-0 e 7-0.
Foi un desprazamento complicado para as cambresas que advirte que os resultados dos dous cruces disputados son “neganosos”. Segundo explican desde o CBS Cambre o conxunto galego estivo “desde o principio dos dous choques moi metidos nos partidos”.
As de Cambre fixeron unha gran selección de lanzamentos fronte ás lanzadoras catalás do Sant Boi. “En múltiples ocasións conseguimos alcanzar a base tanto por bateo como por base por bóla e só unha excepcional defensa do conxunto local impediu que as nosas anotaran”, sinalan desde o CBS Cambre que regresou sen carreiras no peto.
Sobre o papel, o Sant Boi está chamado a ser un dos conxuntos da parte alta e o CBS Cambre toupose cunha das zagas máis potentes e sólidas da SSL Spanish Softball League. Non houbo xeito de anotar carreiras. So foi quen de rachar o muro catalán Adelaida Soengas na segunda entrada enchendo bases tras dous walks pero primeiro un out en home e logo dous strikeouts dunha excelente Raquel Fernández fixeron imposible que as cambresas anotasen.
No equipo galego salientan a labor de rotación do picheo. Neste posto as pitchers Laura Otero e Ibone Abruñedo foron quen de “se complementar á perfección dándose uns grandes relevos cando a situación de xogo así o esixiu”.
Até a terceira entrada o Sant Boi non se despegou no marcador xa que ían 1-0 froito dunha carreira no primeiro inning. Pero nese momento do partido catro hits, se convertiron en sete carreiras poñendo o partido 8-0.
O Sant Boi levou o segundo partido por un marcador de 7-0
Xa no segundo dos partidos desta primeira xornada na SSL Spanish Softball League o conxunto catalán do San Boi abriu o xogo con Ariadna Cerdà como pitcher. A xogadora catalana asinou un gran partido xunto a unha defensa impenetrable que volveu a presentar unha execución impecable por parte das xogadoras do equipo local.
O Sant Boi anotou unha carreira na primeira entrada, tres na segunda, e así foi sumando en todos os inning salvo no quinto, no que o seu casilleiro quedou en branco. Entre as xogadoras catalás, Raquel Moncho, con dous hits impulsou tres das sete carreiras do Sant Boi. O marcador foi sumando carreiras para as locais 1-0, 4-0, 5-0 e 7-0 que foi o resultado final. Desde a Real Federación Española de Béisbol e Sóftbol destacan a carreira do 6-0 “aproveitando dous wild pitches de Laura Otero, e Roser Jonàs con un home run” na cancha do Antonio Hervás.
Logo desta primeira xornada o CBS Cambre ocupa a novena posición na táboa clasificatoria que encabeza o CB Viladecans, seguido do CBS Rivas e o CBS San Boi.
O seguinte cruce das coruñesas será contra o Dridma de Rivas C.d. Deporte. A cita deportiva disputarase no campo de xogo do complexo deportivo de Acea de Ama o domingo 4 de abril a parti das 10:00 horas o primeiro partido, e a continuación o segundo. Á cancha do concello veciño de Culleredo, logo dun ano, retornará o sóftbol da man do Club Béisbol Sóftbol Cambre.
