CROS: A Gimnástica, campioa galega de relevos mixtos

Tres eran as competicións de cros de base que se concentraban na Rúa esta fin de semana: o XXIV Memorial Alejandro Lorenzo, o Campionato de Galicia Sub16 e Sub18 e o II Campionato Galego de relevos mixto. A Federación Galega de Atletismo fala de éxito no deportivo e no organizativo nesta cita.

A Sociedad Gimnástica de Pontevedra alzouse co triunfo no Campionato de Galicia de Relevos Mixtos de Campo a través. A localidade ourensá da Rúa acollía esta cita deportiva ás que se lle sumaban tamén o Memorial Alejandro Lorenzo, no que se impuxo en sub 10 Gabriela Bouzada do Val Miñor, en sub 12 Sabela Castelo do Vila de Cangas, en sub 14 Lorena Patiño do Pinarium. A terceira das competicións en liza eran os campionatos galegos sub 16, no que resultou gañadora Xela Martínez da Atlética Lucense, e o sub 18 no que venceu Carla Guisande do Beade.

A Rúa converteuse na capital galega do campo a través ca disputa, de tres importantes campionatos da especialidade. Con esta edición, xa son tres veces consecutivas as que se veñen organizando neste mesmo escenario cun éxito tanto no organizativo como no deportivo moi importante, grazas en moi boa medida ó excelente traballo levado a cabo pola Delegación de O Barco cuxo equipo de xuíces, voluntarios e colaboradores traballarían de arreo para facer posible esta gran festa atlética do cros.

A canteira, no XXIV Memorial Alejandro Lorenzo

Cartel da carreira de cros — Cartel da carreira

Comezou a competición de cros en terras ourensás coa vixésimocuarta edición do Memorial Alejandro Lorenzo. Na categoría sub 10 feminina, a victoria no individual correspondería a Gabriela Bouzada do Val Miñor estando acompañada nas medallas por Lara López do Ben Cho Shey e por Lara Fernández do RIA Ferrol.

Por clubs os títulos foron parar ó Ria Ferrol e ó ADAS Proinor respectivamente.

Na proba sub10 masculina o triunfo foi para Pablo Barreiro e Martín Otero ambos do Pinarium que compartirían podio con Gabriel Fazanes do Vila de Cangas.

Na categoría sub 12 feminina Sabela Castelo do Vila de Cangas dominou a carreira aventaxando en dazasete segundos a segunda clasificada Carmen Martínez da Atlética Lucense, correspondendo o terceiro lugar para Sabela Raposo do Atletismo Cuntis. Por equipos moitísima igualdade entre Vila de Cangas e Atlética Lucense con empate a puntos, e decidindo o triunfo dos cangueses por mellores postos.

Na sub 12 masculina o título autonómico de cros foi para Hugo Collazo do Vila de Cangas seguido a cinco segundos por Enrique García da Atlética Lucense e por Adam Sadiki de A Silva ocupando o terciero lugar. O ADAS Proinor volvería a repetir podio por equipos.

1 de 4

- +

Dentro da carreira feminina sub 14 o triunfo correspondeu a Lorena Patiño do Pinarium quen sacaría tres segundo a subcampioa Lúa Arufe do Atletismo Noia. Carmen Magallanes do Trega ocuparía postos de podio sendo a formación da Atlética Lucense quen mandou o apartado de equipos.

Nos rapaces, o duelo entre Teo de Frutos do Lucus e Alex Sierpes do Trega resolveriase en favor do lucense por tan só tres segundos, estando na zona de podio xunto eles Damián Suárez do Club Natación Cedeira. Os lucenses da Escola Atlética sumarían un novo título por equipos nesta categoría.

Campionato de Galicia sub 18 e sub 18 de cros

No campionato de Galicia sub 16 feminino, recital de Xela Martínez da Atlética Lucense quen sacaría corenta e oito segundos a súa compañeira de club Sara Guedes. Marcela Morgado sería terceira e o seu club, o Ourense Atletismo, gañador por conxuntos.

Entre os sub 16 masculinos, Iván Rego da Atlética Lucense imporíase por tan só dous segundos a Brais Picón do Fontes do Sar, ocupando o terceiro lugar Nicolás López da E.A. Betanzos cuxa entidade debutaría neste campionato. O Ourense Atletismo sumaba un novo título no colectivo na xornada.

Centrándonos na sub 18 feminina, este campionato galego tivo como gañadora a Carla Guisande do Beade na Sub18 dominaba a proba precedendo a Nerea Lage do Atletismo Friol e a Inés do Campo do ADAS Proinor. A Atlética Lucense engadía ca súa victoria por conxuntos, o seu quinto podio nesta xornada.

Houbo moita emoción na categoría sub 18 masculina onde Pedro Vázquez gañaría a partida a Hugo García colándose neste triunfo no colectivo do Celta, Carlos López da Atlética Lucense.

A Sociedade Gimnástica proclámase campioa galega de relevos mixto

Nesta segunda edición do Campionato de relevos mixto, a Sociedad Gimnástica de Pontevedra proclamaríase campioa de Galicia grazas ó traballo colectivo de Manuel Hurtado, Joselyn Brea,Vicente Suárez e Paula de la Torre. O ADAS Proinor quen defendía o título logrado na edición pasada, ocuparía finalmente a segunda posición, sendo o Miller Running Club liderado por Víctor Riboo quen subiría ó podio logo de que o ano pasado quedara as portas do mesmo.