Non puido ser. A Selección de Galicia absoluta feminina de fútbol sala despediuse de Lugo cunha derrota ante Cataluña no choque amigable que tivo lugar este sábado no Pavillón Municipal dos Deportes (1-3).
Na previa do partido se homenaxeou á Selección Galega Sub-12, campioa de España. As futbolistas do combinado de Galicia Sub-12 foron recibidas coas seleccións absolutas de Cataluña e Galicia facéndolles o pasillo das campioas.
Xa no partido entre as seleccións absolutas de fútbol sala de Galicia e Cataluña, a falta de acerto acabou condenando ao combinado galego, que por momentos foi superior ao equipo catalán. Resultado aparte, o partido foi unha festa do cinco contra cinco.
Coa garantía baixo paus de Clara Sitjas e Clàudia Hernández, as futbolsitas que adestra Jordi Barrero defenderon buscando o contraataque, e así conseguiron adiantarse por medio de Marina Benete Montufo.
Na segunda parte, Cataluña saíu cun punto máis de frescura e Alicia Benete ampliou a vantaxe ao roubar un balón na frontal da área, un gol que, con todo, foi respondido rapidamente por Galicia. Coas galegas xogando con porteira – xogadora sobre a pista, Paula Guix certificou o triunfo catalán (1-3).
O gol galego foi obra da xogadora da Real Federación Galega de Fútbolde Antía Pérez.
As futbolistas que prepara Bea Seijas despedíronse con bo sabor de boca a pesar de a derrota e volveron a demostrar que o futsal galego segue sendo unha potencia.
A galega Antía Pérez foi recoñecida como a mellor xogadora do partido (MVP).
Ficha do partido Galicia vs Cataluña
