A haltera galega Irene Martínez do CH Coruña ven de establecer un récord de España en 59 kg na terceira xornada do Campionato de Europa Absoluto 2021 de halterofilia de Moscú. A deportista levantou 90 kg en arrincada e é a cabeza do Grupo B da súa categoría. No europeo do 2018, celebrado en Bucarest, a galega acadou o bronce en 63 kg.
Con este resultado, Martínez igualou a súa plusmarca nacional, conseguida en A Coruña a mediados de novembro, no seu retorno á competición despois dunha operación no pulso dereito. Tras acadar esta marca, a haltera non foi quen de acertar nos 92 kg, fallando en dúas ocasións.
En dous tempos, Martínez levantou 100 e 103 kg, con menos sorte nos 105 kg. Aínda así, a haltera do CH Coruña acadou o récord de España no total olímpico (193 kg). Estos levantamentos outorgáronlle o liderato do grupo B conformado por 11 deportistas.
Irene Martínez, 9ª en total olímpico
Cunhas marcas que lle merecen a primeira posición no Grupo B, a haltera coruñesa quedaba á espera de coñecer os resultados do grupo A para saber o seu posto final no campionato. O resultado, toda vez que se cruzaron as marcas dos grupos A e B foi que no cómputo global do campionato Irene Martínez foi: 5ª en arrincada, 14ª en dous tempos e 9ª en total olímpico.
EUROPEO ABSOLUTO 2021 / Resultados finales tras el Grupo A de 5⃣9⃣ kg. @ewfed #Moscú2021 #HalteEuroEsp21
️ @IMartinezPodium
90 KG Arr ➡️ 5ª
103 KG 2T ➡️ 14ª
193 KG TO ➡️ 9ª RE
️ Mouna Skandi
82 KG Arr ➡️ 13ª
106 KG 2T ➡️ 11ª
188 KG TO ➡️ 13ª pic.twitter.com/yOJhpioCnl— (@fedehalter) April 5, 2021
Pero o seu non foi o único récord español en Moscú. A canaria Atenery Hernández logrou o propio na arrincada de 55 kg.
Pese a que a competición é clasificatoria de nivel ouro para os próximos Xogos Olímpicos de Toquio, Irene Martínez non conta xa con posibilidades de estar competindo nesta celebración.
Víctor Castro, o outro galego na cita, tamén do CH Coruña
Por parte galega, o haltera Víctor Castro, tamén do CH Coruña, dominou o grupo B en 67 kg cun total olímpico de 280 kg, levantando 132 kg en arrincada, unha marca que o fixo meredor do primeiro lugar nese grupo B nesa modalidade.
O reducido número de levantadores deste grupo (so eran tres cando adoitan ser canda menos oito), fixo que o deportista coruñés saíse agotado á tarima para afrontar a modalidade de dous tempos. Case non tivo tempo de quencer para preparar a súa intervención e por iso, en dous tempos, so puido erguer o peso seu peso inicial que eran 148 kg. Con ese levantamento quedou segundo nesta modalidade e primeiro do seu grupo no total olímpico cos 280 kg referidos anteriormente.
Coma no caso de Irene Martínez, logo do concurso de Víctor Castro no grupo B, quedaba saber os resultados do grupo A para así confeccionar a clasificación final do campionato europeo que foi a seguinte para o coruñé: 9º en arrincada, 12º en dous tempos , 11º en total olímpico.
Tanto Víctor Castro, como Irene Martínez foron seleccionados polo equipo español para participar nesta competición.
