A galega Beatriz Rivas, elixida mellor xuíz anual RFEA 2024

Beatriz Rivas, membro do Comité Galego de Xuíces (delegación da Coruña), foi elixida polo Comité Nacional de Xuíces (CNJ) da RFEA como mellor xuíza española de atletismo de 2024. É a terceira xuíza galega en obter este recoñecemento. A primeira foi Dolores Rojas no 2002 e o ano pasado foi Loreto Pérez. A tamén galega Estefanía Acuña era recoñecidda como mellor xuíz novel de atletismo no ano 2021.

A premiada, Beatriz Rivas, adquiriu a categoría de Xuíz Territorial en 1998, para ascender ao Nivel I RFEA en 2009, ao Nivel II en 2013 e, finalmente, ao Nivel III en 2020.

Os méritos en 2024 de Beatriz Rivas

No 2024, estivo presente a nivel internacional como Delegada Técnica en Meeting Stanislas de Nancy (Francia), ademais de ser Xuíza Árbitra de Concursos no World Indoor Tour Gold Madrid 2024, así como Directora de reunión no XXXVII GP Internacional Cantóns da Coruña – Trofeo “Sergio Vázquez” da Coruña.

En canto a a súa presenza noutras probas de Calendario Nacional, destacar a súa participación no LX Campionato de España Absoluto Short Track de Ourense

Segundo informa a Real Federación Española de Atletismo (RFEA) os premios vanse entregar na Gala do Atletismo Español, que se celebrará o vindeiro sábado 5 de abril no auditorio Goyeneche na sede do Comité Olímpico Español en Madrid. Poderá seguirse ao vivo, a partir das 19:30 horas, a través da canle de YouTube da RFEA Atletismo.

“Ca premiación de Beatriz Rivas, xa son un total de dez os xuíces galegos que foron distinguidos tanto con este galardón como co de mellor xuíz nóvel o que evidencia a gran reputación que este importante colectivo goza no noso deporte”, salienta desde a Federación Galega de Atletismo.