Carlos Viver, adestrador da selección estatal de balonmán feminino, coñecida como Guerreras, fixo xa pública a súa convocatoria para o XXIV Torneo Internacional de España e o Campionato de Europa 2020. Entre as 16 elixidas, está a galega Alicia Fernández, que actualmente xoga para o conxunto Ramnicu Valcea, gañador da Liga Nacional rumana no 2019.
Unha vez máis, Fernández xogará co conxunto español, onde xa é unha habitual debido aos seus éxitos co equipo rumano, co que tamén gañou unha Supercopa.
A de Valdoviño uniráse á concentración que comeza o luns, 23 de novembro, en Torrelavega, desde onde as xogadoras internacionais prepararán as citas da próxima semana contra Brasil e Polonia. O venres 27, as españolas enfrontaranse a Polonia ás 19:00 horas e o domingo 29 ás brasileñas ás 13:00 horas. Todos os partidos do XXIV Torneo Internacional de España poderán seguirse por Teledeporte.
Carlos Viver, adestrador das Guerreras: “Non creo que haxa moita diferenza enntre nós e o resto de equipos”
No relativo ao nivel da competición, o técnico asegurou que será moi similar entre os distintos combinados. “Todas as seleccións chegaremos nas mismas condicións. O que estamos vivindo neste último ano é algo que nos está pasando factura a todos, non debemos poñer ningún tipo de excusa”, incidiu.
Ademais, admite que conta cun bo conxunto xa que “é verdade que é un grupo no que a maioría de xogadoras acumulan moitas horas de traballo xuntas e as incorporacións coñecen perfectamente a sistemática, temos que ter unha actitude positiva e non debemos poñer ningún tipo de excusa en se traballamos máis ou menos. Non creo que haxa moita diferenza entre nós e o resto de equipos. O equipo sempre demostrou moito carácter e traballaremos para suplir esa baixa”, concluiu no comunicado da Federación.
No relativo ao Campionato de Europa, nun inicio íase celebraren Noruega, pero renunciou a acoller a competición polo Covid-19. Así, Dinamarca será a encargada de organizar íntegramente a EHF Euro 2020.
— alicia fernandez (@aali_fernandez) November 19, 2020
Carmen Campos, principal novidade das Guerreras
Xunto a ela competirá a lateral esquerda Carmen Campos, que regresa ao combinado co que xa acadou un ouro nos Juegos del Mediterráneo de Tarragona, no 2018. Campos destaca pola súa precisión á hora de marcar, liderando o ránking de máximas anotadoras na Ligue Butagaz Énergie de Francia, onde xoga para o JDA Dijon.
Ademais, estarán tamén entre as Guerreras dúas xoves pívots: Kaba Gassama e Lysa Tchaptchet. Gassama formouse na canteria do Granollers e foi fichada recentemente polo Nantes Atlantique. Esta non será a súa primeira cita coa elástica vermella, xa que debutou con Carlos Viver no 2017 fronte a Romanía.
Tchaptchet, pola súa banda, estreouse na convocatoria de setembro, onde tamén estivo Alicia Fernández, e defende agora as cores do Elche.
Da lista de convocadas caeuse a capitá Alexandrina Barbosa, que se recupera agora dunha rotura do ligamento cruzado do seu xeonllo esquerdo, que a manterá lonxe da pista durante seis meses.
A baixa dunha das capitás das Guerreras afectará ao resto das xogadoras segundo Viver. “Nun grupo tan compacto, unha baixa sempre afecta, pero ‘Shandy’ é unha xogadora moi especial, tanto para o sistema de ataque como para o de defensa, con moita experiencia. Sempre nos deu un gran rendemento e salto de calidade. Pero o primeiro que nos preocupa é o seu estado anímico e físico, que se recupere o antes posible e a súa saúde, o demais o tendremos que facer nós”, declarou.
Lista de Guerreras convocadas:
- Portería | Silvia Navarro (Rocasa Gran Canaria), Mercedes Castellanos (Rincón Fertilidad Málaga)
- Central | Silvia Arderius (Rincón Fertilidad Málaga), Alicia Fernández (Ramnicu Valcea), Nerea Pena (Team Esbjerg)
- Lateral Dereito | Almudena Rodríguez (CS Gloria Bistrita), Mireya González (Ramnicu Valcea)
- Lateral Esquerdo | Lara González (ES Besançon), Carmen Campos (JDA Dijon)
- Extremo Esquerdo | Jénnifer Gutiérrez (Borussia Dortmund), Soledad López (Rincón Fertilidad Málaga)
- Extremo Dereito | Carmen Martín (CSM Bucuresti), Marta López (Ramnicu Valcea)
- Pívot | Ainhoa Hernández (Zubileta Evolution Zuazo), Lysa Tchaptchet (Elche Visitelche.com), Kaba Gassama (Nantes Atlantique)
