- A final do Mundial de fútbol feminino de Australia – Nueva Zelanda 2023 será retransmitida en directo en pantallas xigantes na praza de María Pita da Coruña.
O Concello herculino vén de anunciar que habilitará as pantallas do escenario das festas de María Pita para poder seguir o partido este domingo 20 de agosto a partir das 12.00 horas. Na Selección Española milita a futbolista galega Tere Abelleira, ex xogadora do Dépor ABANCA que actualmente milita no Real Madrid.
“A praza de María Pita contará con pantallas que retransmitirán en directo o vindeiro domingo, 20 de agosto, a partir das 12.00 horas, a final da Copa do Mundo de fútbol feminino, que disputará a Selección Española la logo de clasificarse tras derrotar por 2-1 a Suecia”, trasladan desde o Concello da Coruña.
O Concello, “coñecedor da gran afección que hai na cidade polo fútbol feminino e ante a histórica posibilidade de que a Selección Española acade o seu primeiro Mundial, quere ofrecer a posibilidade de ver o partido nun ambiente festivo na praza de María Pita a coruñeses e coruñesas. Para elo, empregaranse as pantallas laterais do escenario das Festas de María Pita”, explican nun comunicado.
O acceso á praza será gratuíto. “Esta será a primeira vez que se retransmita en directo a través de pantallas xigantes na Coruña un partido da Selección Española de fútbol feminino”, resaltan desde o Concello da Coruña. Lembran desde o consistorio que xa se “retransmitiron, en 2010 e 2012, partidos da Selección Española masculina, que congregaron a numerosos afeccionados en espazos como María Pita, praza de Pontevedra e praia de Riazor”.
Miriam Ríos pedira ao Concello que se puidese ver a final do Mundial en María Pita
Onte, a ex capitá do Dépor ABANCA, a coruñesa Miriam Ríos, compañeira de Tere Abelleira nas filas branquiazuis, facía un chamamento público a través da súa conta en Twitter para que esa final histórica para o futfem estatal e galego puidese seguirse en pantalla grande na cidade herculina. O Concello recolle a luva.
@ConcelloCoruna el domingo nuestra @SEFutbolFem se juega una ⭐ en la final del mundial. Estaría bien una pantalla gigante en María Pita para ver el partido no? ¿Que os parece? @EloyTP @silcerino @inesreygarcia @futgal @lavozdegalicia @dxtcampeon @riazororg pic.twitter.com/rx4YG8KwcO
— Miriam Rios Barreiro (@miriamrios_7) August 15, 2023
O interese que está a xerar a Selección Española entre a afección ao fútbol é notable. A semifinal que protagonizaba España contra Suecia acadou un 45,1% de share. Unhas cifras de audiencia moi significativas que se traducen en preto de 2 millóns de espectadores seguindo o partido ante a televisión estatal (La1 de TVE transmitiu o encontro).
La alegría sólo es completa cuando es compartida.
La histórica semifinal mundialista entre #ESP y #SWE congregó de media a 1.921.000 espectadores en @La1_tve.
45,1% de share
¡Gracias, afición!#JugarLucharyGanar I #FIFAWWC pic.twitter.com/BRGbt18LwV
— Selección Española Femenina de Fútbol (@SEFutbolFem) August 16, 2023
O rival de España na final da Copa do Mundo de fútbol será Inglaterra
Xa se coñece que selección será a contrincante da española na final da Copa do Mundo. Inglaterra vencía hoxe a Australia por un marcador de 1-3 converténdose na segunda finalista deste Mundial 2023 de FutFem.
¡¡ !!
España se medirá a Inglaterra en la final de la Copa del Mundo.
➡️ Las de Sarina Wiegman se han impuesto por 1-3 a Australia.#JugarLucharYGanar I #FIFAWWC pic.twitter.com/adZ09654fk
— Selección Española Femenina de Fútbol (@SEFutbolFem) August 16, 2023
O Concello de Pontevedra habilitará unha pantalla para ver a Tere Abelleira na final do Mundial
