As herculinas do Viaxes Amarelle queren facer borrón e conta nova e olvidar o partido da Copa Galicia do pasado martes cunha vitoria en Liga. A tarefa das laranxas esta fin de semana será a de defender a primeira posición da xeral no duelo que lle medirá contra o pechacancelas do grupo. O Amarelle afrontará a 18 xornada este sábado ás 18:00 horas no Pavillón do Complexo Deportivo de Elviña enfrontándose ao Ribamontán al Mar FSF. A Fervenza fará o propio no pavillón da Malata ante o antepenúltimo clasificado, o Promesas EDF o sábado ás 19:00.
Defender o liderato ante o colista
O rival das herculinas, o Ribamontán al Mar ocupa actualmente a última posición da xeral, con 10 puntos tras conseguir 3 vitorias, 1 empate e 12 derrotas nos dezaseis enfrontamentos que leva disputados ata a data. É o terceiro equipo menos anotador da competición con 28 goles a favor. Ademais, é o segundo equipo que máis goles encaixa, con 63 goles en contra. A última vitoria do conxunto cántabro foi o pasado mes de decembro, e neste ano 2020 só conseguiu sumar un empate, e actualmente encadea tres derrotas consecutivas.
O Viaxes Amarelle afrontará o seu terceiro partido en sete días, e despois da derrota en Copa Galicia Feminina fronte ao Pescados Rubén Burela, tvelven á competición oficial e tentarán defender o liderado do grupo contra un rival, que a pesar da súa posición na xeral, as herculinas non deben confiarse.
Xa na primeira volta, as herculinas sufriron durante toda a primeira parte para irse ao tempo de asueto co 1-1, aínda que na segunda parte terminaron por sumar unha vitoria por un marcador de 1-8. O cadro laranxa continúa coas baixas das últimas semanas, e tratará de poder seguir sumando un novo +3 e manterse na zona nobre da táboa.
Seguir na boa dinámica
A Fervenza, tras o bos resultados das últimas xornadas, sitúase na quinta posición da táboa e suma 22 puntos. As ferrolás queren seguir no boa liña tras o empate contra o Amarelle de fai dúas semanas e a vitoria da pasada xornada na pista do Ourense B.
As rosas reciben no pavillón da Malata a un Promesas EFD que non está a ter unha boa tempada e acumula 10 derrotas e tan só 4 vitorias no que vai de Liga. O conxunto de Chipi terá una boa oportunidade de conseguir os tres puntos e engancharse na loita por entrar entre os catro primeiros clasificados. Posto que actualmente ocupa o Txtantrea con 27 puntos.
Planes pare este sábado?
Disfruta de la tarde rosa desde las 16:30 con partidos de nuestra base para acabar a las 19:00 contra el @EdfFemenino en un partido que podría sellar nuestra salvación. Vamos a por más!!!#porqueserrosamola #abanca @asnosasdeportes @diarioferrol #xunta pic.twitter.com/LWeNFBw1te— Comarcal A Fervenza (@afervenzafsf) February 27, 2020
