As ferrolás tiñan un duro enfrontamento no feudo do Muslera. A Fervenza viña dunha xornada de descanso e caeron por 5-3 nun partido marcado pola intensidade e bo facer da cancerbeira local. As rosas tentárono ata o final e tras ir perdendo 3-0 chegaron aos minutos finais cun 3-2 e metendo o medo á afección local. A pesar diso, voltaron de baleiro cara terras galegas e descólgase un poucos dos postos nobres tras a vitoria de Valdetires e Castro.
Tras unha primeira metade marcada pola efectividade das cántrabras, ambos equipos colleron camino do túnel de vestiarios cun 2-0 no marcador a favor do Muslera. Tras o tempo de lecer, as de Chipi saíron cun xogo de cinco para tentar reducir distancias.
A pesar das boas chegadas e dominio por momentos das rosas, foron as cántabras as que anotaron o terceiro tanto e puxeron unha facenda complicada por diante ás galegas. Tras varios intentos rosas, chegarían o goles de Claudia e aos poucos minutos o de Sofía que poñía o 3-2 no luminoso o os nervos a flor de pel.
Pouco durou a alegría rosa, xa que o Muslera anotaba o 4-2 case despois de sacar de centro. A falta de 46 segundos para o final, un penalti transformado por Cris facía saltar a todo o banco galego. Ao final, o Muslera anotaba o quinto sen case tempo para reacción das nosas ferrolás.
Na vindeira xornada, a Fervenza recibe no pavillón da Malata ao Ribamontán Al Mar “A” e terá unha gran oportunidade de voltar a senda da vitoria e engancharse aos postos de arriba da táboa.
V inicial da Fervenza: Lu (P), Ra, Cris, Maria y Clau.
