A Federación Española de Rubgy (FER) continúa coas súas accións para fomentar o deporte feminino baixo a iniciativa Mujeres en Rubgy. A última proposta é a da creación do Campionato de España M14 e M16.
O reto co que nace esta nova competición é a de iniciar os campionatos en categoría feminina na etapa de rugby xuvenil a través dunha nova modalidade que permite combinar os elementos técnicos e tácticos, sen deixar de lado o aspecto lúdico do deporte oval e a parte saúdable da práctica deportiva.
As Leonas Patricia García, María Losada, Amaia Erbina e Anne Fernández de Corres serán as madriñas deste novo proxecto, como tamén o son da iniciativa #YoSeréLeona.
Como será o novo Campionato de España M14 e M16 da FER?
Esta competición da FER realizarase a través de sete obradoiros nos que as participantes mostrarán as destrezas técnicas e tácticas necesarias para a práctica do rugby e nos que cada equipo deberá intentar conseguir a máxima puntuación.
O obxectivo da Área de Desarrollo da Federación Española de Rugby é reunir a máis dun centenar de clubs e mil deportistas de todas as rexións de España.
O primeiro escalón serán as fases autonómicas. Cando finalicen, os tres conxuntos de cada Comunidade Autónoma reuniranse en Madrid para disputar a final nacional. Esta cita celebrarase na mesma data que a final da Liga Iberdrola, o 13 de xuño, polo que as vencedoras terán ocasión de asistir ao partido, onde obterán o trofeo de campioas de España en ambas categorías.
A FER agradece o seu apoio á Subdirección de Mujer y Deporte do Consejo Superior de Deportes á hora de crear esta campionato “que vai permitir a moitas xoves xogadoras facer realidade o seu soño de xogar ao rugby a unhas idades nas que ata agora o tiveron máis complicado”.
Consulta aquí toda a información sober os novos campionatos de España femininos de clubs:
