Entre este xoves, 22 de maio, e o venres, 23, nadadores de distintas localidades reúnense en Asturias para o XXXIV Trofeo Internacional de Natación ‘Villa de Gijón’. Como equipo galego, a FEGAN convocou a oito participantes para as categorías infantil e junior feminina, e outros tantos para as masculinas.
A cita, incluída no calendario da Liga Europea de Natación e no III Grand Prix Open RFEN, contará con seis clubs galegos. A Federación Galega (FEGAN), convocou a un equipo infantil e outro junior, tras non poder participar no campionato de España por comunidades polas restriccións vixentes nese momento en Galicia.
Ver esta publicación en Instagram
A convocatoria da FEGAN
A convocatoria realizada pola FEGAN decidiuse en base ao ránking, a versatilidade e a progresión das nadadoras seleccionadas. Por parte do equipo infantil feminino, acudirán á competición tres nadadoras do CN Ponteareas: Iria Lemos, Sofía Carballo e Uxía González. A cuarta praza a ocupa Lucía Diéguez, do Fluvial Lugo.
Conformando o cadro júnior, a diversidade de clubs é maior. Competirán nesta categoría Eva Feijóo, do CN Pabellón Ourense, Alicia Bouzas, do CN Galaico, Julia Rodríguez, do RC Náutico Vigo e Rosalía Marín, do CN Coruña.
