O deporte non é alleo ás consecuencias da pandemia da COVID-19. Os adiamentos de competicións son constantes, facendo as distintas tempadas deportivas moi irregulares. A natación galega non é unha excepción, e a Federación Galega de Natación (FEGAN) ven de anunciar o aprazamento de tres campionatos galegos.
Ante o repunte de casos de coronavirus en todo o territorio español e en Galicia, con novas medidas cada vez máis restrictivas, a dirección da FEGAN tomou a decisión de adiar tres torneos: o Campionato Galego Máster de inverno, o Campionato Galego Alevín de inverno e o Campionato Galego infantil-júnior de inverno e Copa Sénior.
Segundo informan desde a FEGAN, non existen instalacións dispoñibles para poder realizar estas competicións respectando as medidas sanitarias, ao contar cunha participación tan elevada como é o caso dos torneos galegos. Por iso, ata que a situación non mellore e póidase dispoñer das instalacións, a celebración destes torneos queda aprazada.
