O Victoria CF despide o soño do ascenso á Reto Iberdrola. A falta de goles, cun empate 0-0 no partido de volta disputado ante o Real Betis B castiga ás coruñesas, dándolle a promoción á categoría de prata ás verdibrancas.
As cebras poden presumir de ter disputada este play off de ascenso sen derrota, empatando os dous encontros contra as andaluzas. Porén, a sorte estivo no sur, xa que as béticas si anotaron como visitantes no primeiro partido, disputado na Coruña, mentres que as galegas non lograron anotar en terras sevillanas.
Táboas permanentes entre o Victoria e o Betis
Seguindo o mesmo guion que no duelo de ida, o encontro entre o Victoria CF e o Betis disputouse coa máxima igualdade sobre o terreo de xogo. Nos primeiros minutos, o balón parecía pertencer ás cebras, que comezaron con mellores sensacións.
As coruñesas tiveron a primeira ocasión no minuto 6, cun pase atrás de Charín que foi despezado pola defensa local. Catro minutos despois, Ceci realizou un disparo desde a distancia, pero sen conseguir xerar perigo real.
Co paso dos minutos, o mando pasou de mans e as sevillanas comezaron a sentirse máis cómodas no seu campo. Porén, as andaluzas tampouco eran quen de realizar ocasións claras de gol. Os disparos de Iratie Laura Moreno non chegaban a tocar na rede, e a mellor oportunidade, creada por María Gómez atopuse coas mans de Álvaro nunha gran parada no tempo engadido previo ao descanso.
Con todo en xogo na segunda parte, Cris Oreiro optou por dar entrada a Ana por Tati para loitar polo ascenso. As cebras seguiron presionando en busca do gol desde o balón parado, pero ningunha das ocasións tranformábanse en gol. Co paso dos minutos, as opcións de anotar eran cada vez menores, pero as coruñesas non baixaban os brazos.
Pola súa parte, o Betis intentou anotar cunha contra, pero tamén sen éxito. Nos últimos dez minutos, as futbolistas de ambos bandos intentaban anotar á desesperada, con chegadas perigosas ás dúas áreas. No minuto 86, Ceti realizou un disparo que pudo adiantar ás cebras, mentres que minutos despois Lucía Méndezestivo preto de facer o 1-0.
No tempo de desconto o Victoria rozou o ascenso. Corría o minuto 94 cando Bita estivo a piques de naotar. A xogadora lanzou un saque de esquina pechado, pero o balón deu no pau e tras varios rexeitamentos, o esférico foi desviado pola defensa andaluza.
Finalmente, o conxunto local (con xogadoras con experiencia no primeiro equipo que certificou a súa permanencia na Primera Iberdrola ante as coruñesas do Dépor ABANCA) fixo bo o dobre empate e pasará a xogar na Reto Iberdrola.
Final ⌚@RealBetisFem 0️⃣-0️⃣ Victoria CF
Ao final espertamos do Soño!!
Orgullosos das nosas Cebras 🦓!
Ímonos sen perder ningún dos dous partidos, só o valor doble dos goles non nos permitiu subir.
Xa sodes parte da historia do club!!#FamiliaVictoriaCF #VictoriaViví pic.twitter.com/SDdX2FHoAp— Victoria Club Fútbol ⚽🦓 (@VictoriaCF1943) June 20, 2021
FICHA TÉCNICA
REAL BETIS B: Sonia; María Gómez, Vicky, Valle; Marina Marín, María Rivas, Lucía Ramos; Irati, Lucía Méndez, Lucía Sánchez (Julene, min.59); Laura Moreno (Blanca Muñoz, min.84).
VICTORIA CF: Álvaro; Tati (Ana, min.46), Rai, Miga; Charín, Bita, Iria, Gara (Paloma, min.61), Cetina; Andrea, María.
GOLES: Sen goles.
ARBITRAXE: Luna Varo (Andalucía). Amonestó a Marina Rivas (61), Blanca (89), del Betis B.
INCIDENCIAS: Partido de volta do play off de ascenso da Primera Nacional a Reto Iberdrola disputado na Ciudad Deportiva Luís del Sol de Sevilla.
