Este mércores Julia Benedetti tiña prevista a súa estrea no Dew Tour en Des Moines (Iowa). Finalmente o seu debut na competición, que serve como Preolímpico de Toquio 2021, terá que agardara. A choiva obrigou a aprazar a eliminatoria na que ía competir a coruñesa.
A proba estadounidense é a última a nivel mundial que funciona como clasificatorio para os Xogos Olímpicos, aos que Benedetti podería acudir para competir na modalidade de skate park.
No ránking xeral a galega ocupa a decimoquinta posición a nivel mundial na categoría park. Debido a que varios países contan con máis de tres skaters e este é o número máximo de clasificados por país, a herculina atópase dentro das posicións clasificatorias para os Xogos Olímpicos.
A de Iowa será a única proba de clasificación olímpica en modalidade park desta segunda tempada.
