Este mércores toda Galicia celebraba o ‘Día de Rosalía de Castro‘, unha xornada para conmemorar a unha das autoras de referencia da cultura galega. En Ourense, hai un club que lle rende homenaxe todos os días ao recibir dela o seu nome. É a Escola de Fútbol Feminino Rosalía, que onte organizou un acto con motivo da xornada.
No acto, no que participou o Concello de Ourense coa concelleira de Igualdade, Eugenia Díaz Abella, as futbolistas recibiron un exemplar do libro “Formigas 4. Misión Rosalía“, de Pere Tobaruela, e editado por Xerais, quen tamén participou neste acto.
Que tarde más bonita hemos compartido !!! @EFF_Rosalia, @peretobaruela Desde @OurenseConcello e Igualdade quisimos colaborar en la celebración de este día y más con” Misión Rosalia”. Hay que luchar por lo que se quiere y superar las dificultades.
Todas vosotras son Rosalia ⚽️📚 pic.twitter.com/iTUVddB4FX— Eugenia Díaz Abella (@DiazAbella) February 23, 2022
A EFF Rosalía, pioneira
Segundo recordan desde o Concello ourensán, o club é a primeira escola de fútbol feminina da provincia de Ourense. No ano 2019 recibiu o premio a mellor iniciativa a prol do deporte feminino entregado por MUDEGA, asociación que promove a igualdade e a participación das mulleres no deporte.
