Que teñen en común ‘En las orillas del Sar’ e un club a beiras do Miño? Rosalía de Castro é sen dúbida unha figura importantísima da historia de Galicia, ate o punto de inspirar o nome dunha escola ourensá de fútbol feminino: a EFF Rosalía.
Este 24 de febreiro do 2021 conmemórase o aniversario dunha das autoras galegas máis universais. Con motivo desta data sinalada no calendario da literatura galega, no club de fútbol ourensán festexan o seu nacemento recitando uns versos do poema desta escritora que leva o título ‘Vente rapasa’. E o fan coa voz de Celia, unha xogadora pertencente ao equipo Promesas, futbolista e club EFFR homenaxea á nosa grande autora.
Ver esta publicación en Instagram
Rosalías e pioneiras
A poetisa foi unha das primeiras mulleres en ocupar espazos tradicionalmente ocupados por varóns, e máis aló do seu talento para a escritura é recoñecida pola súa reivindicación dos dereitos das mulleres e a igualdade entre xéneros.
Case dous séculos despois, a muller ten que seguir derrumbando barreiras en distintos ámbitos, e no deporte a escola de fútbol que leva o nome da autora foi pioneira. O club ourensán foi o primeiro na provincia en crear unha escola adicada ao fútbol feminino, dando os seus primeiros pasos no 2017.
