O técnico do CH Raxoi, Pedro Siaba, apunta ao traballo defensivo como unha das claves do triunfo do equipo compostelá diante do Club Compañía de María (3-1). Explica que foi “un partido moi disputado e serio, pero na miña opinión a gran labor defensiva que levamos ao cabo permitiu que as súas ocasións fosen relativamente reducidas, é aínda que si as tiveron. Grazas a unha gran actuación da gardameta soamente nos fixeron un tanto”.
As herculinas sempre foron por detrás no marcador nun partido que desde ambas escuadras cualifican como igualado.
No conxunto visitante houbo ocasións de marcar, pero se desaproveitaron. Alvaro franqueira adestrador do Club Compañía de María, pensaba en futuro e apuntaba que seguirán a traballar “para corrixir erros e que o seguinte partido vaia mellor”.
Desde o banco do CH Raxoi, o adestrador Pedro Siaba comentaba que en xeral “coido que demos un moi bo nivel durante a maior parte do encontro e despois de moitas ocasións salvadas pola súa porteira que, como adoita ser, demostrou un nivel altísimo, conseguimos meter un gol sobre a metade da primeira parte e marchar ao descanso por diante. Na segunda saímos igual que na primeira, con boa actitude defensiva e concentración, e chegamos a ter o electrónico 3-0 a favor”.
Álvaro Franqueira, técnico do Club Compañía de María: “Hai que traballar para corrixir erros”
Considera o adestrador das compostelás que “ter mantido o nivel defensivo durante todo o encontro permitiunos gañar un partido duro aínda que nos últimos compases encaixaramos o tres un, que, afortunadamente, logramos que quedara en unicamente un tanto”.
Pedro Siaba, adestrador do HC Raxoi: “Grazas a unha gran actuación da gardameta soamente nos fixeron un tanto”
Consultado sobre o segundo posto que arestora ocupa o HC Raxoi na clasificación o técnico sinala: “non nos afecta o máis mínimo. A clasificación actual non significa nada xa que levamos pouco máis da metade da primeira volta concluída, e hai moitos encontros adiados. Ademais quédanos disputar os partidos cos dous rivais, a priori, con máis posibilidades de levarse o título na miña opinión e sobre o papel, que son o Borbolla e o Liceo. De todos xeitos afrontaremos eses partidos coma calquera outro, con ánimo e ganas. Somos loitadoras e imos pelexar todos os partidos coma se fora o último”.
Pedro Siaba, adestrador do HC Raxoi: “A clasificación actual non significa nada”
FICHA TÉCNICA
CH RAXOI: Sara Canabal (P), Celia González, Antía Rivadas (C ), Laura Victoria Vigoya, Martina Barros, Noa Fuentes, Uxía Pereiro, Alba Arosa e Irene Regueiro (P).
CLUB COMPAÑÍA DE MARÍA: María Hernández (P), Sofía Martínez, Claudia San Miguel, Nuria Ares, Mabel Garea, Lola Suárez, Marta Vilas, María Sáenz( C), e Estela Aradas.
RESULTADO: 3-1
GOLES:
Polo HC Raxoi anotaron: Antía Rivadas (1), Uxía Pereira (1) e Alba Aorsa (1).
Polo Club Compañía de María anotou Marta Vilas (1).
COLEXIADOS: Árbitro: Pablo Gómez Toba. Cronometrador: José Rivadas Aller.
INCIDENCIAS: Pavillón de Vite (Santiago de Compostela). Partido correspondente á terceira xornada da Liga Senior Feminina Autonómica da Federación Galega de Patinaxe.
