Este domingo 4 de xuño celébrase a X Andaina Solidaria A Coruña en marcha contra o cancro, organizada pola Asociación Española Contra o Cancro, a favor da investigación oncolóxica.
A proposta é unha divertida mañá solidaria e en familia, con actividades para pequenos e maiores, zoa, deporte e agasallos. A cita faise en apoio á investigación oncolóxica e terá lugar na zona do Obelisco. A saída da andaina está fixada para ás 10:00 horas.
As inscricións están abertas nesta ligazón e está tamén activada unha fila cero para donacións.
O percorrido urbano de 5 km ten saída e meta na zona Obelisco, e percorre algunhas das rúas máis emblemáticas da cidade da Coruña. Desde a zona do Obelisco as persoas que participen na andaina camiñarán cara a Praza de Mina, Juana de Vega, San Andrés, Marqués de Pontejos, Pío XII, San Agustín, Praza de María Pita, Riego de Agua, Rúa Real, xiro á esquerda no Obelisco cara a avenida da Mariña, Porta Real, avenida do Porto da Coruña, xiro no mirador do Parrote, volta pola avenida do Porto da Coruña, avenida da Mariña e meta na zona do Obelisco.
Os fondos recadados nesta iniciativa irán destinados a investigación oncolóxica e a continuar ofrecendo os programas e servizos gratuítos da Asociación española Contra o Cancro na Coruña.
