So un dos partidos desta xornada na Ok Liga Prata non se xoga na Coruña. A participación do HC Deportivo Liceo e do HC Borbolla fai que dous dos partidos desta fin de semana conten con concurso herculino e teñan á cidade galega como escenario. O Liceo busca o seu primeiro triunfo como local, e as tomatitas defenden o seu primeiro posto contra as segundas clasificadas desta segunda categoría do hoquei a patíns feminino estatal.
O primeiro e saltar á cancha será o HC Deportivo Liceo que recibe ao UDC Rochapea de Pamplona hoxe, sábado 10 de abril ás 19:00 horas. Arbitrará o choque Ivonne Copovi Trallero.
O último partido das verdibrancas remóntase ao 27 de marzo pasado no que se impuxeron con contundencia ao Gatikako Lusturi a domicilio (0-9). Na actualidade as liceístas ocupan a terceira posición da táboa clasificatoria con sete puntos no seu haber. So empataron co CP Alcorcón (0-0) na segunda xornada. O resto de partidos, os contan como vitorias. Ademais do 0-9 con Gatikako Lusturi, colleitaron un 0-2 ante o CP Las Rozas, tamén a domicilio.
De gañar esta fin de semana, será a primeira vitoria deste curso do HC Deportivo Liceo na súa cancha da Coruña, ante o seu público. O rival desta semana a UDC Rochapea de Iruña é quinto clasificado nunha lista de sete equipos e ademais ten un partido máis disputado que as liceístas. Gañaron 8-1 ao CPP Raspeig e empataron co CP Las Rozas (2-2). É dicir, que parece asequible o trunfo (sobre o papel). Cando empeza a rodar a bóla, xa o xogo de ambas as dúas escuadras, a navarra e a galega, dirá quen merece qué.
Logo deste partido, as xogadoras liceístas que adestra Carlos Loureiro, teñen unha xornada en branco. O feito de que o grupo de competición sexa impar obriga a que sempre haxa un conxunto que descansa en cada quenda de xogo.
O HC Borbolla recibe ao CP Alcorcón e xógase o liderato
Mañá, domingo 11 de abril, ás 12:30 horas, o pavillón coruñés de Monte Alto será o escenario do cruce entre as tomatitas do HC Borbolla e o CP Alcorcón. O partido será arbitrado por Enrique Manuel Díaz Sánchez.
Este será un partido en todo o alto da clasificación da Ok Liga Prata feminina. Enfróntanse as primeiras clasificadas, contra segundas. Entre delas so hai dous puntos de diferencia. As coruñesas do HC Borbolla teñen nove, e as madrileñas do CP Alcorcón, sete.
Os dous equipos están invictos, aínda que no caso das de Alcorcón, cederon un empate ante o HC Deportivo Liceo (0-0) que lles coloca con 2 puntos menos na táboa. Na súa visita ao CPP Raspeig colleitaron un 0-10, e cando a UDC Rochapea as visitou en terras madrileñas marcharon cun 10-1 na mochila.
Como acontece noutras xornadas, boa parte das tomatitas estarán co primeiro equipo o día antes, é dicir, hoxe sábado, no partido da Ok Liga feminina (onde se están a xogar a permanencia na elite), polo que poderían acusar o cansanzo e o estress competitivo. De feito, entre dun partido e outro non haberá ni 24 horas de diferencia. O conxunto de Ok Liga do HC Borbolla xoga hoxe sábado na tarde, e o de Ok Liga Prata o domingo na mañá. Á fronte do banco, en ambos casos, está Santi Martínez.
Un intratable Vila-Sana visita a un Borbolla que non tira a toalla
Duelo na cola da Ok Liga Prata entre CP Las Rozas e CPP Raspeig
O terceiro dos partidos desta cuarta xornada na Ok Liga Prata feminina será o que mida mañá, domingo 11 de abril ás 16:00 horas, ao CP Las Rozas e o CPP Raspeig. Ao frente da arbitraxe deste choque estará Matheus López López.
