A Coruña acolleu hoxe a andaina solidaria ‘A Coruña en Marcha contra o Cancro‘, unha iniciativa da Asociación Española Contra o Cancro ( AECC ) na provincia, coa que colabora o Concello da Coruña. Máis de 3.300 persoas vestíronse de verde e participaron na iniciativa, que este 2025 chegou a súa edición número 12.
Os concelleiros Manuel Vázquez, Yoya Neira e Juan Ignacio Borrego tomaron parte nos actos previos á saída da andaina no Obelisco. O Concello da Coruña apoia esta iniciativa solidaria, concibida para reivindicar a importancia de investir en investigación e acompañar ás persoas afectadas por esta enfermidade, promovendo a visibilización dunha cuestión tan importante como esta.
A marcha percorreu cinco quilómetros do centro urbano da cidade. Tamén houbo actividades e sorpresas para todas as idades.
🟢 A Coruña mobilizouse este domingo contra o cancro cunha andaina cidadá solidaria na que participaron máis de 3.300 persoas.
ℹ️ Toda a información: https://t.co/8Aq52PhzOY pic.twitter.com/VA57Rne7jE
— Concello da Coruña (@ConcelloCoruna) June 8, 2025
Recadación para investigar o cancro
Todo o recadado nesta Marcha contra o Cancro destinarase á investigación oncolóxica e á prestación gratuíta de servizos que a AECC ofrece a persoas enfermas e ás súas familias na provincia da Coruña, como atención psicolóxica, fisioterapia, nutrición ou logopedia.
Só no último ano, máis de 2.500 persoas beneficiáronse destes programas segundo informan desde o Concello da Coruña.
