A concelleira de Deportes coruñesa recibiu a seis deportistas campioas e campións de España nas últimas semanas na clase Finn de vela, boxeo, golf, trial e bádminton
Mónica Martínez, concelleira de Deportes do Concello da Coruña, recibiu esta mañá, mércores 23 de decembro, no pazo municipal de María Pita a seis deportistas da cidade herculina que foron campioas e campións de España nas últimas semanas. Trátase de Miguel Fernández Vasco, campión nacional de clase Finn en vela; Emmanuele reyes, campión nacional de boxeo; José Antonio Salgado, campión nacional de golf; Fernando Solórzano, campión nacional de trial na categoría xuvenil; Alba Prado e Paula Noya, campioas nacionais de sub13 de bádminton.
Martínez dirixiuse ás e aos deportistas da Coruña transmitíndolles “o orgullo e a satisfacción que nos produce ver de novo os deportistas competindo tras uns meses moi duros e a alegría inmensa que nos xeneran os vosos éxitos que, co voso permiso, presumimos deles como cidade”.
📣O Concello honra a seis campioas e campións nacionais coruñeses.
+ info 👉 https://t.co/kjkfp3r4ox pic.twitter.com/dS0Q8V7b9S
— Concello da Coruña (@ConcelloCoruna) December 23, 2020