A cidade da Coruña volverá ser o epicentro do vólei – praia galego e nacional durante 3 semanas coa posta en marcha por segundo ano consecutivo de ‘A Coruña é Vólei Praia’, realizado entre o Concello da Coruña e a Federación Galega de Voleibol.
A cidade acollerá de novo dúas probas autonómicas e unha nacional de vólei – praia. Na presentación participaron a concelleira de Deportes, Mónica Martínez, e o presidente da Federación Galega de Voleibol, Jose Ángel Luna.
‘A Coruña é Vólei Praia 2022’ comezará esta mesma fin de semana, do 23 e 24 de xullo, cos máis pequenos, e celebrará a segunda proba do Circuíto Galego de Categorías Inferiores de Vólei – Praia, no que máis de 250 participantes nas categorías alevín, infantil, cadete e Sub 19 masculina e feminina buscarán seguir sumando puntos para a clasificación final en 6 campos dispostos pola FGVB.
🏐 A concelleira de Deportes, @mmartinez____ , e o presidente da @VoleiGalego, Jose Ángel Luna, presentan a nova edición de “A Coruña é Vólei praia”.
📅 O torneo dará comezo esta fin de semana, do 23 e 24 de xullo, coas categorías inferiores. pic.twitter.com/OHjsymxm8d
— A Coruña Deportes (@coruna_deportes) July 22, 2022
A continuación, os vindeiros días 30 e 31, o Campionato Galego Sénior de Vólei Praia, derradeira proba do Circuíto Vichy Catalan Vólei – Praia Galego, decidirá os campións e campioas da nosa comunidade entre 48 parellas masculinas e 48 femininas que accederán á proba a través do ránking galego.
Por último o trofeo ‘Cidade da Coruña’, proba catalogada como 1 estrela no Circuito Nacional de Vóley – Playa da Real Federación Española de Voleibol, poñerá o broche de ouro ás tres semanas de vólei praia en Riazor, cun torneo con case 100 dos/das mellores deportistas masculinos e femininos Sénior de toda a península a fin de semana do 6 e 7 de agosto.
O público poderá acceder aos encontros de forma gratuíta e que se realizarán na praia de Riazor dende as 9.00 horas da mañá ata as 20.00 horas, aproximadamente.
