- No Día do Deporte na Cidade 2022, a cidadanía da Coruña poderá gozar coa práctica de 68 disciplinas deportivas entre a pista deportiva de Durmideiras, os xardíns de Méndez Núñez, a Cidade Deportiva de Riazor, a praza de Tabacos e a praia de Oza
O Concello da Coruña vivirá este domingo 26 unha nova edición do Día do Deporte na Cidade, unha cita xa tradicional do calendario deportivo anual no concello e que, neste 2022, asentará a aposta por un modelo integrador, cunha maior presencia nos barrios, un formato posto en marcha durante o vixente mandato de Inés Rey.
Este domingo, 26 de xuño, non tedes plan? Pois imos a propoñervos un! 🙌
Volve o deporte ás rúas coruñesas con 80 entidades participantes, 50 puntos de actividade, 5 zonas de actividades! 🥋
Non volo podedes perder! 😉 pic.twitter.com/rUb7l7Z6Wl
— A Coruña Deportes (@coruna_deportes) June 24, 2022
A programación de actividades desta festa do deporte na cidade herculina, un total de 68, presentouna a concelleira de Deportes, Mónica Martínez, no Palacio dos Deportes de Riazor. Martínez puxo en valor o impacto do Día do Deporte na Cidade en termos de proximidade. Nesta edición a cita levarase a cabo en cinco zonas de actividade: a pista deportiva de Durmideiras; os xardíns de Méndez Núñez; a Cidade Deportiva de Riazor; a praza de Tabacos, na contorna da Palloza; e a praia de Oza. Será en horario de mañá (11.00 a 14.00 horas), e de tarde (16.00 a 19.00 horas), coa participación de máis de setenta entidades deportivas e sociais da cidade.
Volve o deporte ás rúas herculinas este domingo, 26 de xuño! 🙌
Había ou non había ganas? 😉 pic.twitter.com/Aib0vTOayR
— A Coruña Deportes (@coruna_deportes) June 23, 2022
Desta forma, durante o domingo, a cidadanía poderá gozar coa práctica de múltiples disciplinas deportivas como fútbol, baloncesto, bádminton, ximnasia artística, taekwondo, escalada, boxeo e windsurf, entre moitas outras. O obxectivo é achegar á poboación a actividade física e o exercicio, como instrumento fundamental para manter a saúde, a cohesión social e a adquisición de valores, contando coa colaboración das entidades do tecido deportivo coruñés.
Toda a información sobre a xornada de actividades polo Día do Deporte na Cidade, así como a normativa para a participación nas actividades, pode consultarse na web específica do servizo municipal de Deportes.
👟 O deporte sae á rúa na Coruña o 26 de xuño!
Non volo podedes perder! 🙌 pic.twitter.com/2306iDKtrG
— A Coruña Deportes (@coruna_deportes) June 21, 2022
Consulta aquí todas as actividades, clubs que colaboran e ubicacións
