O vindeiro domingo, 13 de xuño, comezará a cuarta edición da Travesía Costa Coruña Desarrola by Duacode, coa baía de Riazor-Orzán como escenario. Un evento deportivo 100% sustentable que reunirá a preto de 360 deportistas, 63 delas mulleres. “A costa coruñesa é unha instalación natural inmellorable”, asegurou Mónica Martínez, concelleira de Deportes da Coruña.
As nadadoras competirán no concurso de augas abertas nunha proba de 3.000 metros con saída e meta en Riazor, na que competirán estas 63 deportistas, e outra de 1.000 metros, que reunirá a 150 persoas participantes na praia de Matadoiro, desde onde sairán cara Riazor.
Unha muller de 68 anos será a persoa de máis idade en participar na proba. Poden participar persoas de 14 anos en adiante. A segunda sesión do Travesía Costa celebrarase en Oleiros, o 18 de xullo, coa novidade dos 2.000 metros. A terceira parada será Sisargas-Malpica, o 15 de agosto. O torneo rematará en Ézaro, o 5 de setembro.
A unión entre o mar e a cidade da Coruña
Na presentación da Travesía Costa, celebrada en María Pita, estivo presente a concelleira de Deportes, Mónica Martínez, acompañada do edil de Turismo, Juan Ignacio Borrego. A concelleira subliñou que a promoción da práctica dos deportes relacionados co mar é un dos obxectivos do Goberno local de Inés Rey. “A nosa intención é volver a nosa cidade cara ao mar”, recalcou.
Mónica Martínez, concelleira de Deportes do Concello da Coruña sinalaba: “A costa coruñesa é unha instalación natural inmellorable que nos ensina a coñecer e aprender a querer e respectar o mar como fonte de riqueza, pero tamén como lugar de pracer, diversión e actividade física”
A isto, Mónica Martínez engadiu que “a costa coruñesa é unha instalación natural inmellorable que nos ensina a coñecer e aprender a querer e respectar o mar como fonte de riqueza, pero tamén como lugar de pracer, diversión e actividade física”.
A concelleira adirmou que a cidade da Coruña é un referente na cultura deportiva. “Tras este gran parón que supuxo a pandemia da COVID-19 volvemos con novos retos e probas, con iniciativas que fomenten a afección e unha delas é a Travesía Costa Coruña“, declarou.
Os motivos desta paixón marítima están en que “o mar, o noso mar, foi unha das principais vías de escape nos momentos máis duros que vivimos este último ano”. Nestes últimos meses, a afección polas augas abertas aumentou xa que as persoas e, despois do confinamento e con medidas máis flexibles, “por fin a situación epidemiolóxica dános un respiro e permítenos volver gozar de grandes eventos deportivos como a ansiada Travesía Costa Coruña”.
Tanto as deportistas como o Concello agardan con ilusión esta data, “porque o feito de que se poida celebrar confírmanos que nos estamos recuperando pouco a pouco, así que nos situamos na liña de saída, xa que de aquí en diante quédannos moitas citas deportivas por disputar”.
Travesía Costa, unha competición sostible e turística
Martínez tamén puxo en valor o compromiso da proba coa sustentabilidade, xa que se realizarán actividades que complementan a competición, como a limpeza da praia de Riazor e sesións de ioga para a cidadanía.
Pola súa banda, o edil de Turismo, José Ignacio Borrego, sinalou que “o mar que abaraza a nosa cidade é un marco incomparable para unha proba que supón un reclamo turístico para unha cidade que suma deporte e mar”. Tamén lles mostrou ás persoas organizadoras e aos patrocinadores o seu maior apoio. Ao mesmo tempo invitou a todo o mundo a gozar da cidade herculina.
Sergio Castellanos, un dos organizadores do circuíto, destacou que a edición pasada tivo un marcado acento solidario e este ano manterase ese espírito de colaboración, centrado dest avez no turismo e a hostalería, dous sectores castigados pola pandemia.
