A Copa Galicia de futsal xa ten o seu calendario. A fase previa dará inicio na fin de semana do 4 e 5 de setembro, para finalizar o Día das Letras Galegas, o 17 de maio do 2022, en Marín.
En total, ata 12 equipos aspiran ao título autonómico, actualmente en mans do Pescados Rubén Burela.
A décimo quinta edición da cita dará comezo na primeira fin de semana de setembro, cos duelos entre A Fervenza FSF e Valdetires Ferrol FSF, o Marín Futsal e o FS Cidade de Pontevedra, o FSF Castro e o CD Mosteiro Bembrive e o Amarelle FSF co 5 Coruña FS.
Nos cuartos, na fin de semana do 11 e 12 de setembro, estarán agardando o Cidade de As Burgas, ao vencedor do primeiro enfrontamento, o Poio FSF, ao gañador do segundo, o Ourense Envialia FSF ao terceiro e o Burela FS ao último vencedor.
Para as semifinais, haberá que agardar do 22 de decembro ao 6 de abril, mentres que a gran final terá lugar o xa mencionado 17 de maio.
