- Os campos de Oira e da Universidade foron testigos esta fin de semana da Copa Asociación Fútbol Gaélico 2023 nas súas categorías feminina e masculina. A copa xa ten campioas e campións.
A competición na categoría feminina banda contou con catro equipos participantes: Auriense, Estrela Vermelha, Fillas de Breogán e Independiente. Case os mesmos equipos que hai 10 meses competiran na Copa Galega en maio de 2022, nun formato idéntico ao desta Copa Asociación Fútbol Gaélico 2023, neste mesmo escenario.
Tras unha fase de grupos na que xogaron todas contra todas, os resultados decidiron que o título debía competirse entre as compostelás e as coruñesas. Tras un desputado encontro, finalmente o título quedou en mans vermellas e as xogadoras do Estrela Vermelha F.G. proclamáronse campioas.
A Copa Asociación Fútbol Gaélico 2023 na categoría masculina contou con sete participantes. Varios deles foron combinados dos equipos participantes na liga. A competición dividiuse en dous grupos: Auriense, Cambados + Turonia e Fillos de Breogán no group A, e Herdeiros + Irmandinhos, Independiente + Beltane, Keltoi e Keltoi Estibadores + Estrela Vermelha no grupo B.
Sería o combinado de Poio e Vigo, Independiente + Beltane, quen se alzaría co título Shield ao gañar a fase de consolación ante os outros dous eliminados na fase de grupos: Fillos e o combinado Estibadores + Estrela.
Os anfitrións chegarían á súa primeira final de Copa en categoría absoluta masculina, pero non puideron co poderío do vixente campión. Keltoi manifestou con contundencia que a copa debía quedar en Vigo.
O palmarés desta Copa Asociación Fútbol Gaélico 2023 foi:
Copa feminina
- Campioas: Estrela Vermelha F.G.
- Subcampioas: Fillas de Breogán
- Campións: Keltoi Vigo.
- Subcampións: Auriense Campus da Auga F.G.
- Campión Copa Shield Masculina: Lume de Beltane / Independiente F.C.
