Con País Vasco como punto de partido para as galegas —xa que tanto Arxil e Celta poñen o mesmo rumbo— e Ferrol, o destino, na Liga Feminina 2 afrontarase esta xornada o duelo galego entre o Baxi Ferrol e o Cortegada. O conxunto dirixido por Lino López recibe ás xogadoras de Rubén Domínguez, o domingo 23 de febreiro, ás 12.00.
As ferrolás levan un 6 de 6 na Liga Feminina 2
As locais están sendo imparables. Desde o regreso polas vacacións de Nadal, o 12 de xaneiro, non coñecen a derrota. Foron ó pesadelo do Añares Rioja, o Ausarta Barakaldo, o GDKO Ibaizabal, o Pacisas Alcobendas, o ADBA e o Sinergia Canoe.
Seis vitorias consecutivas que lles permitiu volver ao segundo chanzo da clasificación xeral e quedarse a tan só tres puntos do líder indiscutible, o Movistar Estudiantes. Na última xornada ante o Canoe impuxéronse na cidade madrileña por un electrónico de 56 a 84. Onde a xogadora destacada foi Marta Tudanca con 20 puntos. Tamén é moi destacable os numerazos que está facendo nos últimos partidos a xogadora da cidade departamental.
“Estos últimos partidos xoguei moi ben pero tamén é grazas a confianza que pon en min Lino López, as xogadoras e sobre todo ser fiel a min mesma como aos meus valores e traballar cada día, a non deixar nunca de confiar en mín“, comentaba a escolta do Baxi Ferrol, Marta Tudanca, para As Nosas.
Elas mesmas saben que xogan o duelo galego ante o Cortegada, pero só pensan no seu xogo. “Cada partido é importante nesta Liga. Pensamos máis en nosoutras, no noso xogo e no que temos que seguir mellorando. É verdade que coñecemos as xogadoras do Cortegada pero centrámonos no que temos que facer como equipo”, engadía sobre a cita, Marta Tudanca.
En canto o estado do plantel, Lino López comentou que Marta Torreblanca tivo problemas no xeonllo esta semana e valorarán se pode xogar o é mellor que descanse. Tamén Marta Tudanca está un pouco cargada pero non vai a ter problema por estar na cita. Ademais levaran a dúas juniors, Sonia Bra e Henar Mariño, e se o partido vai ben disfrutarán de minutos como premio a axuda que lles prestan nos adestramentos.
Rubén Domínguez (Cortegada): “Temos moito que gañar e moi pouco que perder”
As de Vilagarcía de Arousa chegan a cidade departamental con seis derrotas consecutivas. Desde o pasado mes de decembro, no duelo galego ante o Arxil cun marcador de 69 a 77 non coñecen a vitoria. Tamén é verdade que loitaron ata o final porque en moitas ocasións o electrónico estaba moi apertado, como co Patatas Hijolusa e o Ausarta Barakaldo.
O equipo sufriu certos contratempos coas lesións. “Estamos ben. Recuperando xogadoras dunha etapa de moitas lesións que nos dificultou moito os adestramentos e a calidade de trabajo. Agora levamos dúas semanas seguidas traballando moito mecho e coas xogadoras máis en forma que nas xornadas anteriores, fruto desas recuperacións”, dicía o adestrador do Cortegada, Rubén Domínguez, para As Nosas.
En principio para o duelo conta coa baixa de María Centeno. “Estará os próximos cinco partidos sen xogar. No adestramento do luns sufriu unha rotura dun óso da man dereita, que necesitará 3 semanas para a consolidación da rotura e logo comezaría se todo esta ben a adestrar con moita precaución e posiblemente na xornada 24 podería volver participar do xogo”, comentaba ao respecto Rubén Domínguez.
En canto o partido, queren “continuar con a súa melloría no xogo” e en recuperar o “ritmo da competición”. Sobre todo nas xogadoras que “estiveron paradas, para optimizar o seu xogo e estar no mellor nivel en Ferrol“. Saben que non é un encontro doado. “Será complicado pola calidade do rival, pero temos moito que gañar e moi pouco que perder“, concluía o adestrador do plantel de Vilagarcía de Arousa.
Na xornada 6, as de Ferrol gañaron en Fontecarmoa
Non será a primeira vez que se atopan esta tempada. No partido de ida disputado o pasado mes de novembro, as da cidade departamental leváronse a vitoria no pavillón de Fontecarmoa. Impuxéronse por un 51 a 62 no electrónico. Sune Swart, por parte do Baxi Ferrol, foi a MVP do encontro con 13 puntos. Por parte do Cortegada, Cristina Loureiro e Tyra Jones endosaron 10 puntos cada unha.
DATOS DE INTERESE
DÍA E HORA: 23 de Febreiro, ás 12.00 horas.
CAMPO: Pavillón Municipal da Malata – Ferrol
ÁRBITROS: Martín Trasancos Blanco e Christian Abalo Buceta.
INCIDENCIAS: Partido correspondente a xornada 19 da Liga Feminina 2 de baloncesto no que enfrontará ao Baxi Ferrol e o A.D. Cortegada no Pavillón Municipal da Malata.
