A ciclista María Filgueiras, natural de Ponte do Porco, é unha das deportistas máis prometedoras do ciclismo galego. A principios deste mes, a cadete proclamouse campioa de España de ciclocrós na súa categoría, cumprindo como favorita tras ter gañado tamén a Copa de España, a Copa de Galicia e o Campionato de Galicia de Ciclocrós.
Por estes motivos, o goberno local de Miño quixo homenaxear á deportista, en recoñecemento ao seu traballo, esforzos e éxitos. O acto tivo lugar no salón de actos da casa consistorial e nel o alcalde da localidade, Manuel Vázquez Faraldo, fixo entrega dun obsequio por parte do Concello para Filgueiras.
Da mesma forma, o rexidor subliñou “a dedicación dunha rapaza que se conforma como un exemplo de constancia para todas e todos os apaixonados do deporte”. Pola súa banda, María Filgueiras recoñeceu o “enorme orgullo que supón alcanzar este recoñecemento”, con la mira ya puesta en “conquistar novos éxitos no futuro e seguir por esta senda”.
Ao acto acudiron tamén familiares e amigos da ciclista, ademais de membros de distintos clubs deportivos de Miño. Tamén estiveron presentes a concelleira de Igualdade, Catalina Morado, a edil de Servizos Sociais, Yolanda Bello, e outros membros do goberno local.
