Despois de estar un ano de Erasmus na cidade romanesa de Timisoara, a xogadora Claudia Barrio volve formar parte do CRAT Residencia Rialta. A rioxana, que non puido xogar a rugby durante a súa estancia no exterior, regresa ilusionada e con intencións de volver xogar e gozar esta vez baixo o mando do técnico Juan Pablo Chorny.
A que xa fose unha peza importante durante as tempadas 20/21 e 21/22 xogando a totalidade dos partidos di estar preparada para seguir traballando sen obxectivos que lle ceguen. E é que Claudia Barrio xa foi internacional coas seleccións tanto inferiores como absoluta e estaría moi contenta se volve estar nas concentracións estatais.
Claudia Barrio, comezou con apenas 8 anos a xogar a rugby na súa cidade natal, Logroño. Durante os seus primeiros anos xogou de á. Posteriormente, foi variando a súa posición pasando a ser apertura e finalmente centro, posicións na que xogou co CRAT Residencia Rialta.
Con respecto á nova Copa FER, na que se enfrontan tanto equipo da liga Iberdrola como da División de Honra B, a polivalente xogadora comentou que é unha boa forma de tomar contacto e empezar con mellor pé a tempada.
Claudia Barrio súmase ás chegadas de Spínola e Pozo
Desta forma, Juan Pablo Chorny comeza a ter avanzada o persoal tras as chegadas de Inés Spínola, Iciar Pozo e a volta de Barrio.
Inês Spínola, internacional portuguesa, ficha polo CRAT Residencia Rialta
