A central eslovaca Erika Rajnohová (1/08/1998, Trenčín) xogará a tempada 2020-2021 no Atlético Guardés. A xogadora diestra de 21 anos, 175 cm e 64 kg, internacional co combinado de Eslovaquia, chega procedente do HSG Vipers BAD Wildungen da Bundesliga alemá.
Rajnohová espera chegar á Garda a mediados de xullo para iniciar a pretemporada e confesa que antes da fichaxe non seguira a Liga Guerreiras Iberdrola. O seu novo adestrador, José I. Prades, preséntaa coma unha central pura con bo lanzamento, capacidade dun para un e que pode defender en varias posicións.
Preguntada polo que coñece sobre o seu novo equipo, Rajnohová afirma que: “Sei que A Garda é pequena, así que espero que sexa como unha pequena familia, o que me parece positivo para o equipo. Segundo escoitei a xente en España é amable e acogedora, espero confirmalo con esta nova experiencia”.
Erika Rajnohová, xogadora do Atlético Guardés: “Sei que A Garda é pequena, así que espero que sexa como unha pequena familia”.
Con respecto ao seu novo destino apunta que “oín falar moitas cousas boas de Galicia e non podo esperar a descubrir máis de España e competición doméstica”, a cal recoñece non ter seguido antes xa que estaba máis centrada na liga na que estaba xogando en cada momento. A eslovaca estivo na competición francesa na 18-19 no ESBF Besançon europeo, coa Guerreira Lara González, e na alemá a recente campaña, onde formou parte do HSG Vipers Bad Wildungen.
Unhas ligas moi competitivas, apunta Prades, pero malia a súa mocidade ten experiencia coa súa selección e clubs de moita esixencia. “Así que espero que se adapte rápido, xa que vén con moitas ganas de ser unha peza crave no grupo”, conta o adestrador.
Erika Rajnohová é consciente de que necesita un periodo de adaptación
“O periodo de adaptación vai ser necesario como en cada club novo”, adianta a central eslovaco, pero recoñece que “espero poder conseguilo o máis rápido posible e contar coa axuda das miñas futuras compañeiras de equipo para que sexa moito máis fácil para min”. Un traballo que previsiblemente comezará como cada ano a finais de xullo e que traerá a Rajnohová á Garda máis ou menos a mediados de mes. Os obxectivo marcados da nova incorporación do Guardés son pelexar por mellorar a posición na liga, xogar osmáximos partidos europeos posibles e, por suposto, alcanzar algunha das súas metas persoais.
Erika Rajnohová, xogadora do Atlético Guardés: “Intento dar o mellor de min en cada momento, en cada fase que estou vivindo, xa que como deportistas nunca sabemos que pode chegar a pasar”
Rajnohová afirma que non lle gusta pensar no futuro: “Intento dar o mellor de min en cada momento, en cada fase que estou vivindo, xa que como deportistas nunca sabemos que pode chegar a pasar”. Aínda así, de cara ao futuro máis inmediato, conta que está nerviosa por coñecer á afección e gozar co seu apoio, xa que con grandes afeccionados todo é máis fácil.
O Mecalia Atlétivo Guardés estase reforzando moi ben de cara á próxima tempada
Erika Rajnohová é o terceiro fichaje do Atlético Guardés e terá que dar substitución a Carmen Campos na posición de central, onde compartirá posto coa portuguesa Patrícia Lima. A día de hoxe, o persoal de José I. Prades está integrado por dezaseis xogadoras: Marisol Carratú e Míriam Sempere en portería; Rosario Urban, Daniela Moreno, Lorena Pérez e Laura Morais nos extremos; Paulina Pérez, Estefanía Descalzo, Cristina Barbosa, Martina Mazza e Sandra Santiago nos laterales; África Sempere, Carla Gómez e Sarah Valero no pivote; e Patrícia Lima e Erika Rajnohová no central.
