A carreira RUNKI será un acontecemento único en España e celebrarase o vindeiro 5 de xuño na cidade da Coruña. A iniciativa inclusiva está organizada por ENKI e a Fundación ADCAI, coa colaboración do Concello coruñés.
A particular proba, na que para participar haberá que facelo de superheroe, estará aberta a todo o público, independientemente da súa condición física ou idade. As persoas participantes, un total de 5.000, poderán participar correndo, andando ou en cadeira de rodas adaptada, sempre que acudan disfrazados.
O percorrido será de sete quilómetros e atravesará os grandes puntos de interese do centro da cidade, como son o Paseo Marítimo, a Torre de Hércules o castelo de Santo Antón ou as galerías da Mariña.
No acto de presentación, a alcaldesa Inés Rey asegurou que “o Goberno municipal está plenamente comprometido coa inclusión e a accesibilidade na nosa cidade. O noso modelo busca unha Coruña más amable e accesible para as persoas”. A rexedora sinalou tamén o compromiso do Concello coa inclusión no deporte, algo que tamén se constata na carreira de obstáculos ENKI.
Máis aló da RUNKI
O evento estará marcado durante a súa celebración por numerosas sorpresas e espectáculos de música e animación. Poderase participar de maneira individual ou en grupo, contando con ofertas para empresas. As persoas vencedoras en categoría absoluta gañarán a participación nalgún dos principais maratóns de Europa. As inscricións están abertas na páxina web do proxecto ENKI.
Rocío Alfonso (Marines ENKI): “No deporte estamos completamente normalizados”
A carreira RUNKI contará coa presenza de colectivos de corredores e corredoras con cadeiras de rodas de todo o país, transformando á cidade nun referente do atletismo adaptado.
Por outra banda, RUNKI outorgará cada ano unha bolsa para cumprir un soño deportivo dun colectivo, sendo este ano os beneficiados Marines ENKI, que poderán participar no maratón de Nova York. “Continuamos amosando o noso compromiso coa celebración na cidade de grandes eventos de diferente tipo. Nesta carreira haberá 5.000 participantes, pero moitas outras persoas sumaranse ao percorrido como público”, apuntou Inés Rey.
O club coruñés 5 Coruña homenaxea a Mario, Inés e Pedro
O 5 Coruña sumouse á campaña de ENKI para acudir ao maratón de Nova York e este sábado rendiralles homenaxe no partido que disputa ante o UDC Txantrea de Pamplona, que se disputa o próximo sábado no municipal San Francisco Javier.
“A idea é promover a historia de superación de Mario, Inés e Pedro, e todas as súas familias e dar difusión á carreira RUNKI”, explican desde o club.