- O Concello da Coruña vén de anunciar que a C10 correrase o 3 de outubro por un circuíto que incluirá os peiraos da cidade
O Goberno local da Coruña e Autoridade Portuaria acordaron levar boa parte do percorrido da carreira Coruña 10 (C10) polos terreos portuarios. Segundo apuntaba a alcaldesa, Inés Rey, este feito suporá “un paso máis no proceso de integración dos peiraos á vida da cidade”. A rexedera celebra que a cidadanía poida volver a desfrutar do porto.
Así, a C10 volve ás rúas da cidade. A concelleira de Deportes, Mónica Martínez, anunciou que o vindeiro 3 de outubro é a data elixida para celebrar a volta da carreira máis querida: a Coruña 10. Aínda que esta é a data reservada tradicionalmente para o Maratón Atlántico, o Concello decidiu cambiar as datas para que a primeira proba do calendario deportivo sexa a carreira popular por excelencia, explicou a concelleira.
Tal e como advirten desde o Concello da Coruña, “sempre que as condición sanitarias o permitan, a C10 terá como novidade a data e o percorrido, xa que a carreira retómase, ademais, recuperando para o deporte popular unhas das localizacións máis ansiadas pola cidadanía: os peiraos”.
O Goberno local e a Autoridade Portuaria acordaron levar boa parte do percorrido da carreira polos terreos portuarios; “un paso máis no proceso de integración dos peiraos á vida da cidade”, apuntou a alcaldesa, Inés Rey, que celebra que a cidadanía poida volver a desfrutar do porto. A decana das carreiras populares transcorrerá polo centro urbano da cidade e o seu bordo litoral, “exemplificando e reforzando o vínculo da práctica deportiva co espazo público a través dunha carreira única”.
A COVID-19 retrasa a celebración da C10 a outubro
“O noso máis firme desexo é volver con máis forza que nunca para percorrer as rúas da nosa cidade, pero nin agora mesmo, nin probablemente dentro dun mes se darán as condicións idóneas para que a carreira máis popular de todas cantas se realizan na Coruña, a C10, se poida realizar como o merece: con milleiros de persoas practicando o seu deporte favorito”, explicou a concelleira da área de deportes Mónica Martínez.
A concelleira de Deportes da Coruña, Mónica Martínez, sostén: “O noso máis firme desexo é volver con máis forza que nunca para percorrer as rúas da nosa cidade. Pero nin agora mesmo, nin probablemente dentro dun mes se darán as condicións idóneas para celebrar a carreira máis popular de todas cantas se realizan na Coruña”
Desde a concellería coruñea confían en que co paso dos meses chegue a tan ansiada inmunidade de rabaño, e, por iso, emprazan a todas as persoas amantes do atletismo a que preparen o regreso. “Será ao grande, coa máis popular das nosas carreiras e recuperando o porto para o deporte”, dixo a edila Martínez.
GP dos Cantóns de Marca Atlética
Desde a concellería tamén se está a traballar xunto á Federación Galega de Atletismo para que a principios de xuño se poida realizar con garantías a edición do Gran Premio dos Cantóns de Marcha Atlética, un evento destinado a atletas profesionais que non se puido realizar o ano pasado debido á COVID-19.
A de 2021 será, a todas luces, unha edición especial despois de que o evento fose declarado pola World Athletics como Patrimonio mundial do atletismo.
A concelleira de Deportes, Mónica Martínez, apuntou que para o ano 2022 se agarda volver co ritmo habitual das carreiras. Así, A Coruña voltaría ter probas como a Medio Maratón no primeiro trimestre, a Coruña 10 no segundo e no último trimestre, e o Maratón Atlántico, sen esquecer o circuíto Coruña Corre, “sinal de identidade do noso atletismo máis popular”, engadía Martínez.
