As lesións seguen pasandolle factura ao plantel do Pescados Rubén Burela FS. A laranxa Cely é unha delas, que no proceso de recuperación, deberá pasar por quirófano.
Araceli Gayardo deberá operarse do seu xeonllo esquerdo por unha artrose unicompartimental externa. A ala brasileira será intervida o vindeiro martes, 16 de febreiro, no hospital madrileño Nuestra Señora del Rosario para ser sometida a unha cirurxía para transplante de aloenxerto meniscal externo con prato tibial.
Cely, que regresou ás filas do Burela FS e ao fútbol sala español de elite a principios desta tempada despois de nove anos e unha existosa traxectoria en Italia, aínda non puido estrearse nas rotacións mariñás debido a esta lesión.
