O deporte federado está en stand by e, por iso, a base do CB Arxil debe abandoar momentáneamente as pistas e volver a casa. O club pontevedrés suspende as actividades das Escuelas del Club e dos equipos da competición autonómica de acordo coas últimas restricións sanitarias da Xunta de Galicia.
Este parón comezou este mércores, 27 de xaneiro, e en principio continuará ata o 17 de febreiro. A data podería mudar segundo a evolución da situación sanitaria da pandemia de COVID-19. Tal e como informa o club verde nun comunicado, “se para esta data a Secretaría Xeral para o Deporte e a Consellería de Sanidade o permiten, retomaranse as actividades do Club Baloncesto Arxil“.
As pontevedresas lamentan o cese dos adestramentos, pero entenden a necesidade deste tipo de medidas atendendo á situación actual. “Debemos asumilo e ser un exemplo de responsabilidade”, declaran.
Así, só o CB Arxil de Liga Feminina 2, que adestra no CGTD de Pontevedra e o CB Arxil Mafari Café, que compite en Primeira División Nacional Feminina Conferencia Norte e pasa a adestrar ao Multiusos, serán os únicos conxuntos que seguirán coa súa actividade.
