Este sábado, 23 de outubro, A Coruña acollerá a Carrera ENKI de obstáculos pola integración e á cita acudirán 141 participantes da asociación Down Coruña.
A asociación acudirá con disfraces de indios e vaqueiros, pero apostando pola unión de ambos bandos en favor do respecto á diversidade.
A carreira Enki de obstáculos pola integración volve á Coruña
Tras a edición virtual obrigada pola pandemia no 2020, a proba lúdica de ENKI volve de maneira presencial e online. O grupo de Down Coruña participará na carreira con socios e amigos da entidade, que se sumarán á festa da inclusión.
Desde a agrupación sinalan que a elección do disfraz de indios e vaqueiros vén motivada para “unificar posturas, crear un só bando camiñando xuntos e unidos ante unha causa común: o respecto á diversidade”.
A saída deste equipo está prevista para as 17:00 horas.
Ver esta publicación en Instagram