Ata 35 árbitros da Terceira División, entre os que se atopan dúas mulleres (Elena Casal e Zulema González) e unha vintena de asistentes autonómicos realizaron estes días a segunda quenda de probas físicas e técnicas. Os controis, establecidos pola Federación Galega de Fútbol (Futgal), realizáronse en Santiago de Compostela.
A xornada comezou coa benvida do presidente do CTGAF, Bernardino González. Unha vez rematada a presentación, realizáronse os exames de regras de xogo en dúas quendas, dividindo primeiro ás árbitras e despois os asistentes.
As probas físicas celebráronse a continuación, no campo de fútbol de Chaián, no Concello de Trazo. Estes controis físicos consistiron nunha proba de seis segundo informa Futgal, e a proba de resistencia ‘Yo-yo’. Os asistentes tiveron que superar a proba de cinco sprints repetidos de 30 metros e a proba de resistencia ARIET.
Dentro do grupo de árbitras, só participaron dúas mulleres, Zulema González, da delegación de Ourense, e Elena Casal, da delegación de Vigo. Ambas, ademais de arbitrar en Terceira División, son habituais nos encontros da máxima categoría do fútbol español, a Liga Iberdrola.
Na máxima categoría do fútbol feminino estatal, a lista de colexiadas e asistentes está conformada por catro colexiadas principais, Beatriz Cuesta e Eugenia Gil súmanse a Zulema González e Elena Casal, así como as árbitras asistentes Iria Rosendo, Lorena Novás e Tania Fente Peña. Elas son as galegas que pitan na Liga Primera Iberdrola.
As árbitras galegas, presentes en todas as xornadas da Liga Iberdrola
