A afección galega leva en voandas á Selección Española ante Portugal (5-3)

• Laura Córdoba por partida doble, Laura Sánchez, e as galegas Ale de Paz e Vane Sotelo, foron as autoras dos tantos que outorgaron o triunfo da Selección Española que adestra Clàudia Pons diante dun competitivo equipo portugués.

Ambiente de gala e cheo ata a bandeira no pavillón de Vilalba para o primeiro dos dous duelos amigables en terras galegas entre a Selección Española e a de Portugal. O primeiro tanto do encontro chegaría aos seis minutos de partido obra de Laura Córdoba. A xogadora madrileña aproveitaba un balón morto dentro da área luso para abrir o marcador (1-0).

Superado o ecuador da primeira metade, a debutante, Laura Sánchez, marcaba o seu primeiro tanto coa elástica nacional facendo o 2-0. A internacional española beneficiábase dun erro de Ana Catarina ao recibir o esférico, para posteriormente superala sen oposición.

A Selección Española non cesaba no seu intento de seguir ampliando a renda e, un minuto máis tarde, no catorce de xogo, Ale de Paz inventábase unha definición maxistral para marcar o 3-0. Golazo da xogadora galega que co seu espectacular xesto técnico conseguía levantar dos seus asentos a todos os asistentes do pavillón de Vilalba.

Tras o paso por vestiarios, Portugal daba un paso á fronte no seu intento de reaccionar. As xogadoras de Luis Conceiçao conseguían recortar diferenzas por mediación de María Pereira, previa combinación con Janice. A pesar diso, pouco duráballe a alegría ao equipo luso, xa que, instantes despois, Vane Sotelo marcaba o 4-1 cun potente disparo.

Nunha acción a balón parado, Janice lograba superar a Cristina tras zafarse do seu par cun gran movemento de pivote (4-2).

Con dez minutos por diante, a futbolista da Selección Española, Irene Córdoba rozaba o quinto enviando o balón ao traveseiro da meta portuguesa. No 33 de xogo, Ana Azevedo asistía a Janice para que esta última anotase o 4-3.

A falta dun minuto e medio para a conclusión, Fifó se enfundaba a elástica de quinta xogadora. A pesar dos intentos do conxunto luso por igualar o encontro, sería Laura Córdoba a que ampliaría diferenzas para España, anotando, desde campo propio, o definitivo 5-3.

Homenaxe a Aguete, porteira da Selección Española

O presidente do Comité Nacional de Fútbol sala, José Miguel Monje, e o presidente da RFGF, Pablo Prieto, renderon este martes en Vilalba unha merecida homenaxe á cancerbeira galega Silvia Aguete, tricampioa de Europa coa Selección Española de fútbol sala e recoñecida no ano 2020 como mellor porteira do Mundo.

 

Ver esta publicación en Instagram

 

Una publicación compartida de Selección Española de Fútbol (@sefutbolfem)